Kolki BT płacić ludziam, jakija zdymajucca ŭ masoŭcy na ich šou?
Hledačoŭ, jakija buduć siadzieć u studyi padčas zapisu šou, šukajuć rehularna. Jość navat prapanovy źniacca ŭ «Navahodnim ahieńčyku».
Apošnim časam čaściej za ŭsio praz tematyčnyja telehram-kanały supracoŭniki Biełteleradyjokampani šukajuć ludziej u masoŭku šou «Dobry viečar!» Heta pieradača na «Biełaruś 1», u jakoj u «atmaśfiery siamiejnaha zastolla» śpiavajuć pieśni (ale spačatku viadučy prapanoŭvaje pahavaryć pra žyćcio). Śpiavać razam mohuć jak zvyčajnyja ludzi, tak i zorki łukašenkaŭskaj estrady — takija jak Alona Łanskaja, Žanet dy Alaksandr Saładucha.
Achvotnych trapić na ekran papiaredžvajuć: aficyjna zapłanavany zdymačny dzień z 11 da 23 hadzin (ale kažuć, što zvyčajna ŭsio zakančvajecca krychu raniej). Za hetyja 12 hadzin pracy akcioram u masoŭcy płaciać 40 rubloŭ.
Zredku byvaje adna źmiena — tady masoŭka zadziejničana z 14:30 da 20:00. U hetym vypadku prapanoŭvajuć 20 rubloŭ zarobak.
Darečy, 3 listapada buduć zdymać «Navahodni ahieńčyk». Rascenki tyja ž samyja: 40 rubloŭ za 12 hadzin.
Tych, chto zapišacca i nie pryjdzie, pahražajuć unieści ŭ čorny śpis na ŭsich prajektach kanała.
U vieraśni aktyŭna šukali masoŭku dla muzyčnaha šou «Faktar.baj». Tam za źmienu z 14 da 19 hadzin prapanoŭvali hanarar 30 rubloŭ.
Letaś taksama šukali akcioraŭ na zdymki šou «Sud vyrašyć» na «Biełaruś 2». Hetaja pieradača robicca sumiesna ź Viarchoŭnym sudom i Ministerstvam justycyi. Telehledačam abiacajuć historyi z realnaj sudovaj praktyki.
Tut prapanoŭvali bolš adkaznyja roli, čym prosta masoŭka. Kandydataŭ prasili zapisać videa i ahučyć tekst: paskardzicca «sudu» na žonku siabra, jakaja pazyčyła 400 tysiač rubloŭ i nie choča ich addavać.
U jakaści hałoŭnych hierojaŭ hatovy byli razhladać pretendentaŭ va ŭzroście ad 16 da 70 hadoŭ. Za adzin dzień zdymkaŭ u takim šou prapanoŭvali 150 rubloŭ.
U krainie budzie jašče adzin spartyŭny kanał: jaho zapuskaje STV
Kolki kaštuje biełaruskaja prapahanda dla Polščy i chto jaje robić
Łukašenka pra «Biełaruśfilm»: Niachaj stvarajuć, pradajuć i žyvuć, nie — da pabačeńnia
«Hieroi» za dziaržaŭny košt. Kolki ŭ Biełarusi zapłacili ź biudžetu miedyjnym televiadoŭcam
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary