Biełaruska dapamahała mihrantam lehalizavacca va Ukrainie praz šlub. U vyniku straciła DNŽ sama
Dziaržaŭnaja mihracyjnaja słužba Ukrainy na padstavie infarmacyi Słužby biaśpieki Ukrainy skasavała dazvoł na stałaje žycharstva ŭ krainie hramadziancy Biełarusi, jakaja vychodziła zamuž za inšaziemcaŭ z krain «mihracyjnaj ryzyki» i takim čynam dapamahała im lehalizavacca, daviedałasia «Radyjo Svaboda».
Jak stała viadoma «Radyjo Svaboda» z krynic u pravaachoŭnych orhanach Ukrainy, biełarusku pryznali pahrozaj nacyjanalnaj biaśpiecy Ukrainy. Jana prajšła ŭsie etapy sudovaha abskardžańnia rašeńnia mihracyjnaj słužby, ale sud apošniaj instancyi pryznaŭ zakonnymi ŭsie pastanovy, uchvalenyja sudom pieršaj instancyi. Ciapier jana pavinna vyjechać z Ukrainy, choć termin dziejańnia jaje biełaruskaha pašparta skončyŭsia ŭ 2023 hodzie.
Biełaruska ŭ 2018 hodzie, zhodna z zakanadaŭstvam, źviarnułasia pa dazvoł na imihracyju, bo była ŭ šlubie z hramadzianinam Ukrainy bolš za dva hady. U 2019 hodzie jana taki dazvoł atrymała, a na jaho padstavie ŭ 2020 hodzie — i paśviedčańnie na pastajannaje žycharstva va Ukrainie.
Zhodna ź infarmacyjaj Dziaržaŭnaha rejestra aktaŭ hramadzianskaha stanu, u žniŭni 2020 hoda jana vyjšła zamuž za hramadzianina Nihieryi, jaki na padstavie hetaha šlubu taksama atrymaŭ dazvoł na imihracyju i na pastajannaje žycharstva va Ukrainie. U studzieni 2021 hoda — za hramadzianina Uźbiekistana, u mai 2021 hoda — jašče za adnaho hramadzianina Nihieryi, a ŭ studzieni 2022 hoda — taksama za nihieryjca.
Usie šluby doŭžylisia 5—6 miesiacaŭ i razryvalisia paśla taho, jak sužency biełaruski atrymlivali stałuju lehalizacyju va Ukrainie. Try jaje byłyja sužency paśla atrymańnia nieabchodnych dakumientaŭ vyjechali z Ukrainy, a adzin dahetul zastajecca na ŭkrainskaj terytoryi.
U adnym z sudovych rašeńniaŭ u spravie biełaruski adznačałasia, što mihracyjnaja słužba pazbaviła jaje prava pastajanna žyć va Ukrainie na padstavie «apieratyŭnaj infarmacyi», pavodle jakoj jana «datyčnaja da arhanizacyi i funkcyjanavańnia kanała nielehalnaj imihracyi vychadcaŭ z krain tak zvanaj «mihracyjnaj ryzyki» i ich dalejšaj lehalizacyi na fiktyŭnych padstavach na terytoryi Ukrainy».
Sudździ pryjšli da vysnovy, što hramadzianka Biełarusi vychodziła zamuž za inšaziemcaŭ «biez namieru stvaryć siamju, a vyklučna dla ich lehalizacyi na terytoryi Ukrainy».
Biełaruska z synam u Francyi zastałasia biez dazvołu na žycharstva. Jana prosić padtrymki, kab nie apynucca na vulicy
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Eks-maładafrontaviec Siarhiej Palčeŭski, jaki vajavaŭ i žyŭ va Ukrainie: Kab atrymać vałanciorskija boty, treba było mieć rachunak u banku
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ2
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary