Pamiatajecie VIDEA pra hałalodzicu ŭ Kijevie? Taja samaja školnica pavaliłasia 40 razoŭ, ale ŭsio ž zalezła na Andrejeŭski ŭzvoz!
U piatnicu ranicaj interniet ablacieła videa mocnaj hałalodzicy ŭ Kijevie, jak ludzi litaralna strałoj pralatajuć Andrejeŭski ŭzvoz. Školnica na videa išła ŭ zvarotnym kirunku.
Zorkaj stała školnica Maša Majsiejenka. Na videa dziaŭčynka biespaśpiachova sprabuje ŭźleźci pa zamierzłaj horcy na Andrejeŭskim uzvozie navierch. Jana raspaviała žurnalistam, što zvaliłasia tady kala 40 razoŭ. Adšukać dziaŭčynku i pahavaryć ź joj ŭdałosia žurnalistam strana.ua.
«Ja nie ličyła, kolki razoŭ upała, ale, miarkujučy pa videa, raz 40 dakładna», — pryznajecca Maša.
«Ja ŭzradavałasia, kali ŭbačyła, što ŭsie pościać videa sa mnoj. Nie čakała, što moj učynak trapić u internet. Mnohija ludzi pišuć, telefanujuć — pytajuć, jak ja siabie adčuvaju. Ja adčuvaju papularnaść. Navat na vulicach mianie paznajuć — pa šapcy, u jakoj ja išła ŭ tym videa», — paviedamiła Maša Majsiejenka.
Adčuvaje siabie dziaŭčynka dobra — abyšłosia tolki siniakami.
Mama dziaŭčynki raskazała, što Maša zajmajecca pavietranaj akrabatykaj, tamu i sprabavała z takoj spartyŭnaj upartaściu pieraadoleć abledzianieły ŭzdym na Andrejeŭskim uzvozie.
Kamientary