Nie mienš za 381 zatrymańnie za minuły tydzień. U tym liku pa kłasicy: za čysty arkuš
Nie mienš jak 381 čałaviek byŭ zatrymany ŭ Biełarusi ad minułaha paniadziełka da niadzieli z palityčnych matyvaŭ. Stolki imionaŭ viedajuć pravaabaroncy. (Na papiarednim tydni byli zatrymanyja 433 čałavieki.)
Takim čynam, ahulnaja ličba zatrymańniaŭ za čas pratestaŭ dasiahnuła 31 695.
Varta adznačyć, što hetaja ličba daloka nie poŭnaja. Zatrymanych stolki, što ŭličyć usich niemahčyma. Navat ahulnaja kolkaść ludziej, aryštavanych pa kryminalnych spravach, pakul dakładna nieviadomaja, bo ich vielmi šmat.
Na hety momant viadoma 582 čałavieki (praŭda, hety śpis pa spasyłcy taksama niapoŭny, bo ŭvieś čas robiacca viadomyja novyja imiony), jakija prachodziać pa kryminalnych artykułach
— ad Siarhieja Cichanoŭskaha i Viktara Babaryki da žurnalistak Kaciaryny Barysievič i Kaciaryny Andrejevaj i rabočych Žłobinskaha mietałurhičnaha zavoda, dzie kryminalnuju spravu zaviali za zabastoŭku.
Ahułam viadomych kryminalnych spraŭ bolš za 900. Nie mienš za 320 pradpryjemstvaŭ i biznesaŭ trapili pad ekanamičnyja represii za padtrymku pratestaŭ.
Na minułym tydni, akramia Minska, zatrymlivali ludziej taksama ŭ Iŭi, Breście, Smalavičach, Kareličach, Salihorsku, Mahilovie, Homieli, Maładziečnie, Horkach, Viciebsku, Navahrudku, Navapołacku, Hrodnie, Baranavičach.
Kłasika absurdu — vypadak u Horkach. 7 śniežnia tam byŭ zatrymany sielhasmieniedžar Andrej Jurkoŭ. 6 śniežnia jon pravioŭ akcyju salidarnaści z administracyjna aryštavanymi suajčyńnikami — adzinočny pikiet z pustym arkušam vatmana. Videa jon vykłaŭ u sacsietku. 8 śniežnia Jurkova vyklikali ŭ miascovy RAUS, adtul jon užo nie vyjšaŭ.
Možna z dakładnaściu skazać, što heta samyja masavyja palityčnyja represii ŭ Jeŭropie za apošnija 40 hadoŭ.
Dla paraŭnańnia: kali b u praporcyi na dušu nasielnictva stolki ž ludziej zatrymali ŭ Rasii, heta skłała b 460 000. Kali b va Ukrainie ci Polščy — 125 tysiač.
Čytajcie taksama: Tatalny kantrol za aŭtazakami: jak adzin ź minskich rajonaŭ patruluje terytoryju padčas niadzielnych maršaŭ
Čytajcie taksama: «U našu kvateru ŭvajšli sa stralaninaj». Historyja žančyny, čyje abodva syny stali palitviaźniami
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary