«Zachodzili ŭ chaty, hladzieli, ci nie chavaje chto Artura». Pčalara sa Smarhonskaha rajona zatrymali pa spravie Aŭtuchoviča?
Źnikła suviaź z Arturam Papkom, jon daŭno siabravaŭ ź Mikołam Aŭtuchovičam, jakoha abvinavačvajuć u teraryźmie.
Imia Artura Papka źjaŭlałasia ŭ ŚMI najpierš u suviazi z padziejami Płoščy-2010. Jon byŭ kiroŭcam adnaha z aŭtamabilaŭ z abstalavańniem, jakoje rychtavała da mitynhu «Havary praŭdu». Heta była mašyna, jakoje stajała ŭ Čyžoŭcy, ale da Płoščy tak i nie dajechała.
U chutkim časie paśla vybaraŭ Papok emihravaŭ u Polšču, vučyŭsia pa prahramie Kalinoŭskaha, skončyŭ mahistraturu pa śpiecyjalnaści «palitałohija». U Polščy papracavaŭ i na budoŭli, i achoŭnikam, pačynaŭ biznes pa vysyłcy polski tavaraŭ u Biełaruś. Kali Papok zrazumieŭ, što na radzimie jamu ničoha nie pahražaje, to pryniaŭ rašeńnie viarnucca. Heta było ŭ 2014 hodzie.
U Biełarusi taksama sprabavaŭ naładzić biznes, ale nie duža atrymlivałasia. U Minsku razvaliłasia siamja. Tady Artur pierajechaŭ na chutar kala vioski Alaniec u Smarhonskim rajonie, jaki kupiŭ jašče da vybaraŭ 2010 hoda.
Tam Papok sprabavaŭ adnavić staruju siadzibu — zakupiŭ vulloŭ z pčołami, rychtavaŭsia adkryć miadovuju łaźniu. Na žyćcio zarablaŭ tym, što vykładaŭ u Maładziečnie polskuju movu.
Ad pačatku śniežnia suviaź z Arturam Papkom źnikła. Maci Tamara Vasiljeŭna žyvie ŭ Minsku. Niejki čas pražyła z synam u Alancy, ale paśla taho, jak uźnikli prablemy sa zdaroŭjem, vymušanaja była viarnucca ŭ stalicu. Spadarynia Tamara płača, kaža, što nie viedaje, dzie syn. Ale admaŭlajecca padavać zajavu ab źniknieńni Artura ŭ milicyju. «Moža, sam znojdziecca», — kaža jana.
Dačka spadara Papka žyvie ŭ Polščy, jana tam vyvučyłasia na francuzskaj fiłałohii. Byłaja žonka ŭ Biełarusi, ale taksama ničoha nie viedaje pra los Artura.
Susiedka ŭ Alancy Volha Bobryk kaža, što Artura šukali ad 4 śniežnia. «I biełyja, i čornyja mašyny jeździli, kaho tut tolki nie było. I tak dni čatyry było. Zachodzili i ŭ chaty, hladzieli, ci nie chavaje chto Artura. Heta, vidać, nie milicyja była, a niechta vyšej. My ž tut u lesie ciomnym siadzim na chutary, ničoha nie viedajem. Syn moj niadaŭna zakałaciŭ u toj chacie dźviery ćvikami, kab nichto nie pałaziŭ. Vidać, i vulli prapaduć, ich u Artura štuk dziesiać. Artur tak pryhoža pa-biełarusku havoryć, što ja b słuchała i słuchała», — raskazvaje susiedka.
Zrešty, u Alancy nie viedajuć, ci atrymałasia siłavikam znajści Papka. Siabry siamji Mikoły Aŭtuchoviča, jakija zmahli vyjechać u Polšču, raskazali «NN», što Papka i Aŭtuchoviča sapraŭdy abjadnoŭvała daŭniaje znajomstva.
«Mikoła jeździŭ na aŭtamabili, jaki byŭ zarehistravany na Papka», — raskazali nam.
Pavodle infarmacyi «NN», Artura Papka ŭsio ž zatrymali, jon znachodzicca ŭ SIZA ŭ Hrodnie. Atrymać kamientar KDB pa dadzienaj situacyi nie atrymałasia.
Hladzi taksama: Chto taki Mikoła Aŭtuchovič, jakoha zatrymali za «teraryzm»? Jaho bijahrafii chapiła b na dziesiaciarych — vajna, biznes, palityka, haładoŭki, turma
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary