Volski: «Dzie my ŭpuścili? Dy paŭsiul vy ŭpuścili!»
Farmalny padychod. Pryjšoŭ jašče z SSSR. Ptušačka staić, značycca, usio zroblena. Nasamreč, moža być usio, što chočaš — zroblena častkova, zusim nie zroblena, ale najaŭnaść ptušački — upartaja reč, piša ŭ siabie ŭ fejsbuku śpiavak Lavon Volski.
Farmalny padychod u adukacyi — heta kali nastaŭnica na dziaržispycie padsoŭvaje prablemnamu vučniu šparhałku. Ci «naciahvaje» acenku.
Farmalny padychod u miedycynie — aficyjnaja statystyka chvorych na karanavirus.
U sielskaj haspadarcy — rekordnyja nadoi-ŭradžai, a ŭsia halina na datacyjach.
U pramysłovaści — usio pracuje ŭ minus, ale pracuje.
Ideałohii niama, ideołahi jość — typovy farmalny padychod.
I voś na astaču. Jany nie chočuć, kab bolšaść palubiła ichni ściah, hierb, lidara. Jany chočuć, kab prybrali znaki pratestu — šeści, maršy, sustrečy ŭ dvarach, ściahi, stužki. Kab farmalna ŭsio było łajalna i spakojna. A toje, što ŭ ludziej usio kipić unutry i ŭrešcie ŭsio adno vybuchnie — nie treba brać da hałavy. A potym buduć ździŭlacca, jak z tym Sajuzam: usio ž było narmalna, čamu razvaliłasia? Dzie my ŭpuścili? Dy paŭsiul vy ŭpuścili! Sa svaimi ptušačkami-rapartami-źjezdami-schodami. Sa svaim farmalnym padychodam, jaki nie maje ničoha supolnaha z rečaisnaściu.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary