Hramadstva

Piensijanierku, jakaja adsiedzieła «sutki» za karahod u lesie, pakarali aryštam za zdymak la navahodniaj jalinki z partyjnym ściaham

Sudździa Vital Kaŭbienia (sud Savieckaha rajonu Homla) pakaraŭ aryštam na 15 sutak 59-hadovuju žycharku abłasnoha centru Ału Karalenku. Milicyja abvinavaciła jaje ŭ niesankcyjanavanym pikiecie. Tak patraktavali zdymak sa ściaham BSDP kala navahodniaj jalinki 1 studzienia, piša Radyjo Svaboda.

U raparcie milicyi adznačana, što ŭ zakrytym telehram-čacie «BSDP. Homiel» byŭ znojdzieny zdymak la navahodniaj jalinki kala DK «Festyvalny». Tam niejkija ludzi stajali z partyjnym ściaham BSDP, pryčym ni ŭ koha nie było vidać tvaraŭ. Z rapartu stała viadoma, što ŭ zakrytym čacie ludzi damaŭlalisia pra toje, kab sustrecca la navahodniaj jalinki. Sudździa začytaŭ pierapisku, udzielniki jakoj byli pad nikami.

Advakat zaŭvažyŭ, što jaho padabaronnaja ŭ pierapiscy nikoha nikudy nia klikała i ni da čoha nie zaklikała. Jon źviarnuŭ uvahu, što ŭ zakrytym čacie ŭdzielničali tolki siabry partyi, jakija nia mieli metaŭ demanstravać publična svaje pohlady ci zdymki.

«Pra publičnaść tut niama havorki. Nichto nia moh bačyć zdymki, aproč udzielnikaŭ čatu, jaki byŭ, pa sutnaści, «hurtkom pa intaresach». Prašu spravu spynić, bo tut niama składu pravaparušeńnia», — skazaŭ abaronca.

Ału Karalenku zatrymali ŭ piatnicu. U jaje baćkoŭ, jakim bolš za 80 hadoŭ, prajšoŭ vobšuk, aficyjna heta nazyvałasia «ahlad pamiaškańnia».

Jak dokaz viny pensijanerki na sudzie začytali pakazańni žycharoŭ Homla, u jakich raniej milicyja zabrała na vobšuku telefony i techniku i takim čynam «pranikła» ŭ zakryty telehram-čat.

Pensijanerka admoviłasia davać pakazańni.

U studzieni Ała Karalenka ŭžo adbyvała aryšt terminam 7 sutak za ŭdzieł u karahodzie ŭ lesie vakoł jalinki.

Taksama sud Savieckaha rajonu pakaraŭ aryštam na 15 sutak žychara Homla Ihara Kraŭčanku. Sud prajšoŭ u «tajemnym» režymie. Da abiedu ŭ kancylaryi sudu kazali, što sprava nie pryznačanaja, a paśla abiedu blizkim paviedamili, što Ihar Kraŭčanka atrymaŭ 15 sutak pavodle artykuła 23.34 KaAP. Za što mienavita jon aryštavany — u sudzie nie skazali.

Kamientary

Ciapier čytajuć

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Usie naviny →
Usie naviny

Džon Kienedzi i Robiert Kienedzi zhulajuć na kłubnym čempijanacie śvietu pa futbole ŭ ZŠA. Pryčym u adnoj kamandzie

Pałavoje vyśpiavańnie robicca ŭsio bolš rańnim, a psichałahičnaja darosłaść — poźniaj. I heta prablema4

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

Pucin asudziŭ parušeńnie Izrailem Statuta AAN i normaŭ mižnarodnaha prava11

Za miesiac popyt na lalek Łabubu vyras na «Kufry» ŭ 6,5 raza7

Pad Saladaram adzin rasijski samalot źbiŭ inšy?4

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

bolš čytanych navin
bolš łajkanych navin

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić