Frankamoŭny sieryjał «Lupen» vyjšaŭ u 2021 hodzie. Za karotki čas jon pryvabiŭ bolš za 70 miljonaŭ prychilnikaŭ va ŭsim śviecie.
«My chacieli pakazać, na što zdolnyja francuzy z punktu hledžańnia stvareńnia sieryjała, ale my nie čakali takoha pośpiechu», — kaža hałoŭny aktor Amar Si, viadomy svaimi rolami ŭ błakbastarach «Śviet Jurskaha pieryjadu», «Transformiery» i «Ludzi Iks: dni minułaj budučyni».
«Lupen» uvachodzić u top-10 sieryjałaŭ Netflix u šmatlikich krainach na hety momant, a ŭ ZŠA i Vialikabrytanii zaniaŭ druhuju pazicyju. Pa acenkach, za pieršy miesiac pakazu sieryjał dasiahnuŭ 70 miljonaŭ prahladaŭ. «Lupen» aryjentavany na ŭsiu siamju, što daje jamu pieravahu pierad takimi papularnymi sieryjałami, jak «Chod karalevy» i «Brydžertany», piša The Guardian.
Asan Dyjop — hałoŭny hieroj sieryjała, rola jakoha dastałasia Amaru Si. Asan pieražyŭ śmierć baćki, jakoha niespraviadliva abvinavacili ŭ złačynstvie. Praz 25 hadoŭ Asan biare ŭdzieł u kradziažy kalje francuzskaj karalevy Maryi-Antuaniety. Kaštoŭnaść, vystaŭlenaja ŭ Łuŭry, naležyć bahataj siamji Pielehryni. Asan žadaje adpomścić hetaj siamji, jakaja kaliści niespraviadliva abvinavaciła jaho baćku ŭ kradziažy.
Pratatypam Asana staŭ viadomy piersanaž Arsen Lupen, stvorany Marysam Lebłanam u 1905 hodzie.
Składana skazać, što mienavita ŭ sieryjale tak začaravała hledačoŭ va ŭsim śviecie. Ale hałoŭny hieroj Amar Si pierakanany, što heta zasłuha francuzskaha režysiora Łui Łaterje. «U nas jość halivudski režysior, jaki dadaje svaje rysy ŭ francuzski kiniematohraf i dazvalaje nam raspavieści hetu historyju mienavita takim čynam».
Łui Łaterje viadomy svaimi kamiercyjna paśpiachovymi błokbastarami, siarod jakich «Bitva tytanaŭ», «Niejmavierny Chałk», «Iluzija padmanu».
Ciapier čytajuć
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP4
Kamientary