Hałoŭnaje za 29 studzienia: pryznańnie nacyjanalnaha ściaha ekstremisckim, narkotyki ŭ Cimy Biełaruskich, pieratrusy ŭ Hrodnie
Hienprakuratura: Bieł-čyrvona-bieły ściah pryznajuć ekstremisckim
Hienieralnaja prakuratura anansavała, što rychtujecca pakiet dakumientaŭ ab pryznańni bieł-čyrvona-biełaha ściaha ekstremisckim, pieradali ŭ efiry BT.
U karcary kałonii ŭ Navapołacku skončyŭ žyćcio samahubstvam 25-hadovy źniavoleny. Jon byŭ fihurantam «spravy 37-mi»
U karcary VK-1 Navapołacka skončyŭ žyćcio samahubstvam 25-hadovy Andrej Dubik, jaki ŭ 2019 hodzie byŭ asudžany pavodle artykuła 328 i byŭ fihurantam tak zvanaj «spravy 37-mi» — adnaho z samych masavych pracesaŭ za apošni čas. Svajaki maładoha čałavieka raspaviali, što try hady, pakul išło śledstva, Andrej znachodziŭsia ŭ SIZA №1 na vulicy Vaładarskaha ŭ Minsku, potym jaho pieraviali ŭ VK-1 u Navapołacku, dzie jon prabyŭ paŭhoda. 8 studzienia rodnym ad maładoha čałavieka pryjšoŭ apošni list, a ŭžo 29 studzienia siamji stała viadoma pra jaho samahubstva.
Cimu Biełaruskich złavili ŭ Minsku z narkotykami i vyzvalili pad zastavu
29 studzienia rasijskija ŚMI paviedamili, što papularny śpiavak Cima Biełaruskich znachodzicca ŭ Minsku pad chatnim aryštam — nibyta ŭ jaho znajšli 2 kiłahramy hašyšu! Sam Cima heta abvierh. Dzie praŭda?
Łukašenka: Ja ŭ svajoj krainie absalutna nikoha nie bajusia
«Kali ja skazaŭ, tak, ja pajedu ŭ BDU, Natalla Ivanaŭna ŭzradavałasia. Jana nie vieryła, što paśla ŭsich hetych padziej ja naohuł pryjedu da studentaŭ. Słuchajcie, vy pavinny ŭličyć adnu akaličnaść. Ja ŭ svajoj krainie absalutna nikoha nie bajusia. Mnie niama čaho saromiecca pierad vami za lubyja svaje ŭčynki. Tak, ja nie śviaty. Niemahčyma adpracavać prezidentam bolš za čverć stahodździa i dzieści nie spatyknucca, nie ździejśnić pamyłki. Ale sistemnych pamyłak my z vami nie dapuścili», — skazaŭ Łukašenka.
U redakcyju Hrodna.life pryjšli ź pieratrusam
U redakcyju Hrodna.life pryjšli ź pieratrusam. Pryjšli ź pieratrusam taksama da hałoŭnaha redaktara partała Newgrodno Ihara Bublikava (Remzika).
Jak vyśvietliłasia, pieratrusy ŭ Hrodna.Lifie i NewGrodno.bu źviazanyja z tym, što na sajtach znajšli «pradukcyju, pryznanuju ekstremisckaj».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary