U Hrodnie na «chimiju» asudzili čałavieka, jaki pieraškadžaŭ «jabaćkam» zamaloŭvać BČB na tratuary. Žančyna vyjaviłasia sudzimaj i biespracoŭnaj
U sudzie Kastryčnickaha rajona Harodni 12 lutaha praciahvaŭsia razhlad kryminalnaj spravy miascovaha žychara Vasila Pilca. Jaho abvinavačvali pa častcy 1 artykuła 339 Kryminalnaha kodeksa (Chulihanstva). Nibyta 14 śniežnia minułaha hoda šturchanuŭ ahresiŭnych prychilnikaŭ Alaksandra Łukašenki i aktyvistaŭ niezarehistravanaha praŭładnaha ruchu «Antyvandał», paviedamlajuć pravaabaroncy.
Spravu razhladaŭ Dźmitryj Kiedal. Dziaržaŭny abvinavaŭca — pamočnik prakurora Alena Prońka.
Paciarpiełyja pa spravie Volha Bondarava i Alaksandr Hałachaŭ, aktyvisty niezarehistravanaha ruchu «Antyvandał».
Pa materyjałach śledstva, 14 śniežnia Vasil Pilec akazaŭ hvałt u dačynieńni da Hałachava i Volhi Bondaravaj, jakija zafarboŭvali na chodnikach vyjavy nacyjanalnych ściahoŭ, šturchnuŭ ich, schapiŭ ich za vopratku, sarvaŭ masku, tym samym pryčyniŭ paciarpiełym fizičny bol.
Advakat zapytaŭsia ŭ paciarpiełaj Volhi Bondaravaj, ci pryciahvałasia jana da administracyjnaj adkaznaści?
— Tak.
— A da kryminalnaj, za kantrabandu cyharet u Polšu?
— Taksama tak.
Advakat pytajecca znoŭ:
— U zaklučeńni sudmiedekśpiertyzy nie zafiksavana naniasieńnie vam cialesnych paškodžańniaŭ?
Bondarava adkazvaje: «Nie, pryčynieny bol źjaŭlajecca cialesnym paškodžańniem».
Pilec ad apošniaha słova admoviŭsia.
Advakat prasiŭ pryznać abvinavačanaha nievinavatym.
Sudździa vynosić prysud: adzin hod abmiežavańnia voli va ŭstanovie adkrytaha typu. Pilca vyzvalili z-pad varty.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary