Hałoŭčanka: Kali Biełaruś adrežuć ad krynic finansavańnia na Zachadzie, my znojdziem, dzie ŭziać hrošy
Premjer-ministr Raman Hałoŭčanka ŭ intervju BT raspavioŭ, što ŭ 2021-2025 hadach u Biełarusi treba inviestavać bolš za 200 młrd rubloŭ u raźvićcio ekanomiki i infrastrukturnyja prajekty, kab vyjści na pastaŭlenyja zapłanavanyja punkty rostu.
«Viadoma, ludzi, jakija vystupajuć za toje, kab nas adrezali ad krynic finansavańnia na Zachadzie — heta škoda krainie. My ž kredytujem nie dla siabie, pałacaŭ ci jašče čahości. Voś hety płan — prychodźcie, hladzicie. Heta darohi, balnicy, fizkulturna-spartyŭnyja kompleksy. Vy nie chočacie davać hrošy na heta — nie treba. My znojdziem, dzie ich uziać. Jość Rasija, jość Kitaj, jość inšyja azijackija dziaržavy», — skazaŭ premjer-ministr.
Pa jaho słovach, niadaŭna ŭrad Biełarusi zaklučyŭ pahadnieńnie z Kuviejckim fondam arabskaha ekanamičnaha raźvićcia, jaki «z zadavalnieńniem prakredytuje budaŭnictva ankałahičnaj balnicy ŭ Hrodnie».
«Heta značyć, my znojdziem hrošy, usie hrošy na Zachadzie i za Atłantykaj nie skančajucca. Tamu ja b paraiŭ nie chvalavacca na hety kont», — zajaviŭ Hałoŭčanka.
Kamientary