Zaviali kryminalnuju spravu pa fakcie śmierci Ramana Bandarenki. Ale siłaviki nibyta nie datyčnyja
Pra heta siońnia Hienprakuratura paviedamiła Alenie Bandarenka, maci maładoha čałavieka, piša Tut.by.
Alena Bandarenka raspaviała Tut.by, što siońnia adbyłasia telefonnaja razmova z pradstaŭnikom Hienprakuratury. Žančynie paviedamili, što zaviedziena kryminalnaja sprava pa fakcie naŭmysnaha pryčynieńnia ciažkaha cialesnaha paškodžańnia, što paciahnuła pa nieaściarožnaści śmierć jaje syna.
Havorka idzie pra č. 3 art. 147 Kryminalnaha kodeksa Biełarusi. Za hetaje złačynstva praduhledžana pakarańnie ŭ vyhladzie pazbaŭleńnia voli na termin ad 5 da 15 hadoŭ.
Nieŭzabavie pres-słužba Hienprakuratury paćvierdziła hetuju infarmacyju ŭ aficyjnym relizie.
«Dačynieńnie supracoŭnikaŭ orhanaŭ unutranych spraŭ da pryčynieńnia Bandarenki Ramana Iharaviča cialesnych paškodžańniaŭ nie ŭstanoŭlena».
Na nastupnym tydni, pa słovach Aleny Bandarenka, jaje zaprasili ŭ Hienprakuraturu aformić nieabchodnyja dakumienty, kab jaje narešcie pryznali paciarpiełaj pa spravie.
«Prajšło try miesiacy paśla śmierci Romy…» — dadała žančyna.
***
31-hadovy Raman Bandarenka, jaki žyŭ u rajonie płoščy Pieramien, pamior u balnicy ŭviečary 12 listapada, paśla taho jak jaho spačatku zahruzili ŭ bieły mikraaŭtobus nieviadomyja, a zatym dastavili ŭ Centralnaje RUUS i potym — u balnicu ź ciažkimi traŭmami.
Na doktara BCHMD Arcioma Sarokina, jaki pieradaŭ u ŚMI źviestki analizaŭ Ramana, i žurnalistku Tut.by Kaciarynu Barysievič raspačataja kryminalnaja sprava za vydavańnie miedycynskaj tajamnicy. U piatnicu, 19 lutaha, nad imi ŭ Domie pravasudździa pačniecca sud. Im pahražaje da troch hadoŭ źniavoleńnia.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia1
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary