Kolkaść palityčna matyvavanych kryminalnych spraŭ pieravysiła 2407.
Nie mienš za 511 čałaviek byli zatrymanyja ŭ Biełarusi ŭ lutym pa palityčnych matyvach. Takija źviestki sabrali pravaabaroncy-viasnoŭcy.
Dla paraŭnańnia: u studzieni było nie mienš za 873 zatrymańni, u śniežni — 1203.
Bolš za ŭsio zatrymlivali ŭ Minsku.
Takim čynam, jak padličyła «Naša Niva», ahulnaja ličba zatrymańniaŭ za čas pratestaŭ dasiahnuła jak minimum 33 468.
Varta adznačyć, što ŭsie vyšej pryviedzienyja ličby naŭrad ci poŭnyja. Navat ahulnaja kolkaść ludziej, aryštavanych pa kryminalnych spravach, pakul dakładna nieviadomaja.
Ad žniŭnia 2020 hoda zaviedziena 2407 spraŭ «ekstremisckaj nakiravanaści», paviedamiŭ 4 sakavika staršynia Śledčaha kamiteta Ivan Naskievič. Pad «ekstremisckaj nakiravanaściu» razumiejucca ŭsie spravy palityčnaha charaktaru.
Viadoma bolš za 890 fihurantaŭ palityčna matyvavanych kryminalnych spraŭ (śpis pa spasyłcy niapoŭny, pravaabaroncy zadakumientavali tolki tych ludziej, chto sam pra siabie paviedamiŭ abo čyje svajaki paviedamili)
— ad Siarhieja Cichanoŭskaha i Viktara Babaryki da žurnalistak Kaciaryny Barysievič i Kaciaryny Andrejevaj i rabočych Žłobinskaha mietałurhičnaha zavoda, dzie kryminalnuju spravu zaviali za zabastoŭku.
Nie mienš za 335 pradpryjemstvaŭ i biznesaŭ trapili pad ekanamičnyja represii za padtrymku pratestaŭ.
Heta samyja masavyja palityčnyja represii ŭ Jeŭropie za apošnija 40 hadoŭ.
Dla paraŭnańnia: kali b u praporcyi na dušu nasielnictva stolki ž ludziej zatrymali ŭ Rasii, heta skłała b 495 000. Kali b va Ukrainie ci Polščy — 135 tysiač.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary