U Hrodnie vynieśli čarhovy prysud za hvałt nad supracoŭnikami milicyi. U tym liku — palitviaźniu
Troch hrodziencaŭ asudzili za padziei 6 vieraśnia na try i try z pałovaj hady abmiežavańnia voli. Adbyvać pakarańnie hrodziency buduć u papraŭčych ustanovach adkrytaha typu. Prysud vynieśli 9 sakavika ŭ sudzie Kastryčnickaha rajona Hrodna, piša Hrodna.life.
Sudździa Dźmitryj Kiedal pryznačyŭ Illi Pałaniankinu try hady «chimii», Janu Dajlida — try z pałovaj hady, Piatru Hreckamu — try hady pavodle art. 342 (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich) i art. 364 KK (Hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ). Dziaržabvinavaŭca zapytvaŭ ad dvuch da dvuch z pałovaj hadoŭ pazbaŭleńnia voli.
Padčas śledstva Dajlida i Hrecki byli pad padpiskaj ab niavyjeździe. Pałaniankina zaklučyli pad vartu 15 vieraśnia i pryznali palitviaźniem, paviedamlaŭ pazbaŭleny rehistracyi pravaabarončy centr «Viasna». Da abskardžańnia rašeńnia suda abo nakiravańnia ŭ vypraŭlenčuju ŭstanovu troje hrodziencaŭ zastajucca pad padpiskaj ab niavyjeździe.
U 14:00 6 vieraśnia ŭ centry Horadni byŭ zapłanavany čarhovy marš niazhodnych ź dziejańniami ŭładaŭ haradžan. Pratestoŭcy źbiralisia ŭ šaści kropkach horada, kab dajści na Savieckuju płošču. Užo na hetym etapie pačalisia žorstkija zatrymańni ŭ roznych častkach horada. Kałonu, jakaja zmahła sabracca na płoščy Savieckaj i išła ŭ bok HZK «Trinity», kančatkova raźbili na praśpiekcie Janki Kupały. Pry zatrymańniach i mužčyn, i žančyn dušyli, ciahnuli ich pa asfalcie i raspylali haz prosta ŭ tvar. U AMAP palacieli butelki.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary