Pasažyr źbitaha taksista Alaksieja Łapy nie pryjšoŭ na svoj sud, i jaho abviaścili ŭ vyšuk
10 sakavika ŭ sudzie Kastryčnickaha rajona Hrodna musiŭ adbycca praciah razhladu kryminalnaj spravy suprać hrodzienca Ihara Łazavika, jaki sa śviedki pa hučnaj spravie taksista Alaksieja Łapy pieratvaryŭsia ŭ abvinavačanaha pa art. 364 Kryminalnaha kodeksa (hvałt u adnosinach da milicyjanta). Adnak na pasiadžeńnie Łazavik nie źjaviŭsia. Pa źviestkach advakata, jon źjechaŭ z krainy, paviedamlajuć pravaabaroncy.
Sudździa Vital Łabocki pastanaviŭ abviaścić Łazavika ŭ vyšuk i ŭ vypadku zatrymańnia źmianić mieru strymańnia na zaklučeńnie pad vartu. Razhlad kryminalnaj spravy prypynieny.
U noč z 11 na 12 žniŭnia Łazavik byŭ pasažyram u taksi Alaksieja Łapy, kali ich spyniła milicyja i pačała mocna źbivać. Alaksiej Łapa prachodziŭ lačeńnie ŭ špitali, a zatym na jaho była zaviedziena kryminalnaja sprava za hvałt u adnosinach da milicyi. U vyniku Alaksiej taksama zmoh źjechać z krainy pierad prysudam. U adnosinach da Ihara Łazavika kryminalnaja sprava była raspačataja 20 kastryčnika.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary