Zatrymanuju ŭčora eks-rabotnicu MTZ Ullanu Harbačovu aštrafavali na 50 bazavych
Byłuju supracoŭnicu MTZ, jakuju ŭčora zatrymali padčas prahułki z sabakam, siońnia aštrafavali za ŭdzieł u niesankcyjanavanym masavym mierapryjemstvie.
Pra heta «Novamu Času» paviedamiła sama Uljana Harbačova.
Jana raspaviała pra akaličnaści ŭčorašniaha zatrymańnia niedaloka ad doma:
«Zabrali mianie kala 15 hadzin, kali ja hulała na rečcy z sabakam i synam. Dvoje mužčyn, jakija nie pradstavilisia, pazvali mianie i skazali, što ja pavinna prajechać ź imi u Partyzanskaje RUUS. Ja skazała, što, kali im treba — chaj vyklikajuć mianie pozvaj. Na što mnie skazali, što ŭ ich novaŭviadzieńnie, i jany pavinny sami mianie dastavić», — havoryć Uljana Harbačova.
Jana paprasiła dazvołu zavieści dadomu sabaku i syna. Supracoŭniki dazvolili, ale adzin ź ich pajšoŭ u kvateru razam z Uljanaj, a druhi padahnaŭ lehkavuju mašynu.
Uljanu Harbačovu pryvieźli ŭ RUUS, dzie dapytali i skłali pratakoł pa artykule 24.23 KaAP za ŭdzieł u niesankcyjanavanym masavym mierapryjemstvie.
«Pratakoł aformili nibyta za ŭdzieł u mitynhu, chacia nijakaha mitynhu tam nie było, my pravodzili biełaruski tradycyjny abrad hukańnia viasny, u mianie nie było nijakaj simvoliki», — zaznačaje Uljana.
Pakolki žančyna vychoŭvaje niepaŭnaletniaje dzicia, uviečary jaje adpuścili dadomu, abaviazaŭšy ranicaj źjavicca ŭ RUUS dla suda.
Siońnia Uljana Harbačova pryjšła ŭ milicyju, i tam jaje sudzili pa skajpie. Sud Partyzanskaha rajona Minska pryznaŭ jaje vinavataj i prysudziŭ 50 bazavych vieličyń štrafu.
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary