Jak infarmacyja ŭnutry ličbavych fota daje mahčymaść za nami sačyć
Našy fotazdymki mohuć nie tolki fiksavać momanty z žyćcia, ale i raspaviadać za nas našy sakrety. Jak heta pracuje?
Kali vy robicie fota, vaš smartfon ci ličbavaja kamiera chavaje mietadanyja ŭnutry fajła z vyjavaj. Heta infarmacyja pra toje, dzie i kali było zroblena fota, a taksama što za kamiera vykarystoŭvałasia.
Jość šerah biaspłatnych prahram, z dapamohaj jakich možna prybrać mietadanyja z fota. Ale bolšaść ludziej navat nie razumiejuć, što jany tam jość, i nie zdahadvajucca, jak imi možna skarystacca, pieraścierahaje VVS.
Takaja niedaśviedčanaść dapamahaje pravaachoŭnikam u rasśledavańniach, ale moža pieratvarycca ŭ prablemu dla zvyčajnych hramadzian, bo ŭłady atrymajuć zdolnaść za imi sačyć. Heta moža stacca asabliva niebiaśpiečnym dla pravaabaroncaŭ i fotažurnalistaŭ, biaśpieka jakich časta zaležyć ad ich ananimnaści.
Złačyncy taksama mohuć skarystacca mietadanymi na fota. Kali jany buduć viedać, dzie i kali zroblena fota, a značyć viedać vaša miescaznachodžańnie ŭ toj ci inšy čas, heta moža pavialičyć dla vas mahčymaść stać achviaraj kradziažu abo pieraśledu.
Da taho ž, kožnaje fota možna źviazać z kankretnaj kamieraj, jakoj jano było zroblena. U hetym dapamahaje źjava, viadomaja siarod fatohrafaŭ jak nieadnarodnaść fotavodhuku.
Sprava ŭ tym, što ŭnutry kožnaj ličbavaj kamiery jość datčyk vyjavy, jaki hraje važnuju rolu ŭ stvareńni fotazdymka. Datčyk składajecca ź miljonaŭ śviatłoadčuvalnych elemientaŭ. Ale kožny z hetych elemientaŭ maje svaje asablivaści, źviazanyja i z pracesam vytvorčaści, i z pryrodnymi ŭłaścivaściami kremniju, ź jakoha jany vyrablajucca. Praz heta na kožnym fotazdymku jość niešta padobnaje da niezaŭvažnaha vadzianoha znaka, unikalnaha dla kožnaj kankretnaj kamiery. Heta i jość nieadnarodnaść fotavodhuku.
Zrabić fota bieź mietadanych nie atrymajecca, vy možacie tolki vydalić ich užo z hatovaj vyjavy. Adzinaje, čaho možna adrazu paźbiehnuć, — zrabić fota biez paznačeńnia hieałakacyi.
Što datyčycca nieadnarodnaści fotavodhuku, pazbavicca ad jaje jašče bolš składana. Heta mahčyma, kali źnizić razroznaść fota, ale nakolki? Adkaz zaležyć ad šmatlikich faktaraŭ, naprykład, ad charaktarystyk kamiery.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary