Italjanskaja palicyja znajšła fłeš-kartu z sakretnymi dakumientami. Jak ličać palicejskija, hetyja dakumienty kapitan italjanskaha fłota, 54-hadovy Uołter Bijot, pieradavaŭ rasijskamu vajskovamu ataše za ŭznaharodu pamieram 5 tysiač jeŭra.
Krynica z dostupam da spravy raspaviadaje, što na znojdzienaj fłeš-karcie znachodzicca 231 fotazdymak dakumientaŭ NATA roznaha ŭzroŭniu sakretnaści. Pa słovach advakata Bijota, jaho klijent paćviardžaje, što jon pieradavaŭ Rasii infarmacyju za hrošy, ale nie pryznaje pieradačy sakretnych dakumientaŭ, piša Reuters.
Šmat hadoŭ Italija mieła lepšyja adnosiny z Rasijaj, čym inšyja zachodnija krainy. Ale ciapier ŭ adkaz na mahčymy špijanaž z boku Bijota, nazvany varožym aktam, urad krainy vysłaŭ dvuch rasijskich dypłamataŭ. Ministerstva zamiežnych spraŭ Rasii ŭ svaim kamientary vykazała škadavańnie pra vysyłku dypłamataŭ, ale taksama pierakananaje, što hetyja dziejańni nie pahražajuć dvuchbakovym adnosinam.
Advakat Bijota śćviardžaje, što ŭ kapitana čaćviora dziaciej, adzin ź jakich surjozna chvory i maje patrebu ŭ dahladzie. Pa słovach žonki Bijota, ich siamja «ledź vyžyvała» na jaho zarobak 3 tysiačy jeŭra.
Uołter Bijot mieŭ ranh kapitana frehata, z 2010 hoda jon zajmaŭsia štabnoj pracaj. Na momant aryštu jon pracavaŭ u departamiencie Ministerstva abarony i vykonvaŭ zadańni pa raspracoŭcy palityki ŭ śfiery nacyjanalnaj biaśpieki. Kali aficera pryznajuć vinavatym u špijanažy, jamu pahražaje nie mienš za 15 hadoŭ źniavoleńnia.
Kamientary