Hazmanaŭ: «Słavianski bazar» — adzin z najlepšych fiestyvalaŭ u śviecie, suprać jaho — zamiežnyja boty
Rasijski śpiavak Aleh Hazmanaŭ ličyć «Słavianski bazar u Viciebsku» adnym z najlepšych fiestyvalaŭ u śviecie, paviedamlaje STB.
«Ja liču, što «Słavianski bazar» — heta adzin z najlepšych fiestyvalaŭ u śviecie. Sama placoŭka «Słavianskaha bazaru» takaja kłasnaja», — skazaŭ Aleh Hazmanaŭ.
Havoračy ab zaklikach da vykanaŭcaŭ nie pryjazdžać na fiestyval u Viciebsk, jakija pastupajuć ad biełarusaŭ, Aleh Hazmanaŭ zaŭvažyŭ, što «jak praviła, patok chiejtu nie pakazvaje, kolki realna ludziej suprać taho, kab ja pryjechaŭ». «Pracujuć boty, pracuje cełaja armija. Pryčym u asnoŭnym z-za miažy», — skazaŭ jon.
Nahadajem, raniej nakont «Bazaru» vykazalisia komik Michaił Hałuścian i śpiavak Alaksandr Ivanoŭ. Jany vykazali salidarnaść ź biełarusami i zajavili, što ich uklučyli ŭ śpis udzielnikaŭ bieź ich viedama. Jany ŭ Viciebsk nie pryjeduć, jak i repier Homie, jaki admoviŭsia ad zaprašeńnia. Admoviłasia ad vystupu i ŭkrainskaja śpiavačka Maruv.
Za vystupy rasijskich zorak arhanizatary fiestyvalu płaciać vialikija hrošy, u toj ža čas dziasiatki biełaruskich hurtoŭ znachodziacca ŭ «čornych śpisach» i nie mohuć davać kancertaŭ u svajoj krainie.
U Instahramie ŭ zvarotach da artystaŭ, zaprošanych u Viciebsk, ludzi raskazvajuć pra masavyja falsifikacyi, aryšty i katavańni.
Raniej u vyniku zvarotaŭ da artystaŭ biełarusy vymusili łukašenkaŭcaŭ admianić ahitacyjnyja kancerty napiaredadni vybaraŭ, praktyčna ŭsie zamiežnyja zorki admovilisia jechać.
Kamientary