Jak raskazała «Radyjo Svaboda» žonka zatrymanaha žurnalista Volha Ivašyna, Dzianis spačatku siadzieŭ adzin u kamiery. Prykładna 2 tydni tamu jaho pieraviali ŭ kamieru ź jašče dvuma viaźniami. Nakolki viadoma svajakam, sukamierniki nie «palityčnyja».
«Dzianis navat paviesialeŭ, što nie adnamu ciapier siadzieć», — kaža žonka.
Pa zdaroŭi jon adčuvaje siabie narmalna. Na ŭmovy ciapier nie skardzicca. Raniej u jaho była chałodnaja kamiera, dzie nie začyniałasia fortka.
Pieradačy Ivašynu pieradajuć. Akramia zvyčajnych pobytavych rečaŭ jon prasiŭ prysmaki na Vialikdzień i sała. «Vielikodnyja jajki navat nie sprabavali pieradać, bo ich nie biaruć», — tłumačyć Volha.
Hadzińnik na ruku pakul nie ŭdałosia pieradać praz turemnyja abmiežavańni.
Viadoma, što listy da palitviaźnia dachodziać i ad svajakoŭ, i ad siabroŭ. Ale ad jaho na volu pakul ničoha nie pryjšło.
Śledčyja dziejańni ź Ivašynym viali tolki na samym pačatku. Jon admoviŭsia davać pakazańni.
Dzianisa Ivašyna zatrymali supracoŭniki KDB 12 sakavika, kali jon vyjšaŭ u apteku pa leki dla babuli. Jamu vystavili abvinavačańnie pa kryminalnym artykule 365 — «Umiašańnie ŭ dziejnaść supracoŭnikaŭ orhanaŭ unutranych spraŭ».
Svajaki i kalehi miarkujuć, što zatrymańnie Ivašyna źviazanaje ź jahonym apošnim rasśledavańniem pra byłych ukrainskich bierkutaŭcaŭ, što ŭładkavalisia na pracu ŭ biełaruski AMAP. Žurnalista zatrymali na nastupny dzień paśla taho, jak jon daŭ intervju telekanału «Nastojaŝieje vriemia» z nahody hetaj jahonaj pracy.
-
Niekatoryja biełaruski iduć u surahatnyja mamy. Kolki za heta płaciać i chto z žančyn na heta hatovy?
-
Łukašenka zajaviŭ, što biełarusy ź litoŭcami stahodździami mieli dobrazyčlivyja adnosiny, zasnavanyja na histaryčnych suviaziach
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom27
Kamientary