Prakuratura vyniesła papiaredžańnie hrodzienskamu žurnalistu Andžeju Pisalniku
Prakuratura Hrodna abviaściła aficyjnaje papiaredžańnie aktyvistu nieaficyjnaha Sajuza palakaŭ, žurnalistu Andžeju Pisalniku ab niedapuščalnaści parušeńnia zakona.
Pra heta BiełTA paviedamili ŭ słužbie infarmacyi prakuratury Hrodzienskaj vobłaści.
Paviedamlajecca, što ŭ pačatku krasavika Andžej Pisalnik u efiry polskich radyjostancyj «Radio 24» I «Radio 4» vykazaŭ šerah mierkavańniaŭ.
«Meta vykazvańniaŭ — uzbudzić u nasielnictva nacyjanalnuju varožaść i varožaść na moŭnaj hlebie, sfarmavać niepryjaznaść i niedavier da pradstaŭnikoŭ orhanaŭ dziaržaŭnaj ułady, raspaŭsiudzić iłžyvuju infarmacyju ab ich dziejnaści», — havorycca z paviedamleńni.
«Tak, Andžej Pisalnik zajaviŭ, što ŭ biełaruskich ŚMI raspačataja šyrokamaštabnaja prapahanda suprać Polščy. I robicca heta dla taho, kab «stvaryć vobraz palakaŭ jak ludziej druhoj katehoryi». Maŭlaŭ, biełaruskaja prapahanda choča ačarnić palakaŭ u vačach hramadstva i zrabić ich vorahami naroda, «jak było ŭ stalinskija časy». Na dumku aktyvista, zbor pravaachoŭnymi orhanami źviestak ab vučniach, jakija prachodziać navučańnie ŭ hramadskich škołach, — heta forma zastrašvańnia nastaŭnikaŭ i vučniaŭ, a taksama namier uładaŭ da dyskredytacyi i dalejšaj admovy nasielnictva Biełarusi ad navučańnia polskaj movie, historyi i polskaści ŭ cełym. Dadzienyja vykazvańni ŭ srodkach masavaj infarmacyi zaviedama biespadstaŭnyja i vidavočna nakiravany na raspalvańnie mižnacyjanalnaj varožaści», — padkreślili ŭ prakuratury.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki12
Kamientary