Pamior lehiendarny Anatol Kłyška. Pa jaho «Bukvary» vučylisia miljony biełarusaŭ
Sumnuju navinu paviedamiŭ u fejsbuku piśmieńnik Michaś Skobła.
«Pakinuŭ hety śviet Anatol Kłyška, pa čyim Bukvary vučylisia miljony biełarusaŭ.
Toj Bukvar (najvydatniejšy!) staŭ ci nie samaj tyražnaj biełaruskaj knihaj.
U paru majho školnictva jaho razavy nakład dachodziŭ da 150 000 asobnikaŭ.
37 hadoŭ prajšło-pramilhnuła, a ja i siońnia pomniu i ŭsie malunki bukvaroŭskija, i ŭsie teksty. «Chvošča, chvošča doždž, voŭk schavaŭsia ŭ chvošč. Chvost pad chvaščom, a sam pad daždžom»…
Dabradušny, zaŭsiody žyćciaradasny, pa-maładomu cikaŭny da ŭsiaho na śviecie spadar Anatol i na dziaviatym dziasiatku nie siadzieŭ skłaŭšy ruki. To daskanaliŭ svoj lehiendarny Bukvar (vychodzili novyja pieravydańni, ich było bolš za 40), to pierakładaŭ z aryhinała Marcyjała (asobnym zbornikam vyjšaŭ paru hadoŭ tamu), to daśledavaŭ žyćciovy i tvorčy šlach svajho ŭlubionca Valancina Taŭłaja (dla sieryi «Biełaruski knihazbor»).
16 krasavika Anatolu Kanstancinaviču spoŭniłasia b 86… Śvietłaja pamiać ruplivamu tvorcu i vialikamu Nastaŭniku».
Anatol Kłyška naradziŭsia 16 krasavika 1935 hoda ŭ vioscy Daniejki (ciapier Baranavicki rajon Bresckaj vobłaści) ŭ sialanskaj siamji. Skončyŭ fiłfak BDU, pracavaŭ u LiMie, «Połymi», u Ministerstvie adukacyi BSSR. Byŭ siarod stvaralnikaŭ Tavarystva biełaruskaj movy.
Svoj «Bukvar» jon skłaŭ u 1969 z ulikam apošnich dasiahnieńniaŭ psichołaha-piedahahičnaj navuki.
Pisaŭ taksama prozu dla dziaciej, pierakładaŭ. U pryvatnaści, pierakłaŭ z hrečaskaj movy «Novy Zapaviet».
-
«Volnyja Kupałaŭcy» pierapracavali bazu danosaŭ u pjesu. Što jašče pakažuć u novym siezonie
-
«Pakul rychtavali vydańnie — chramy raściahvali traktarami». Architektarka pryhadała pra pracu nad Zboram pomnikaŭ Biełarusi
-
Kibierpank pa-biełarusku: u 2026 hodzie vyjdzie hulnia Replaced, natchnionaja «Biehunom pa lazie»
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary