Realnyja piensii, jakija raźličvajuć z papraŭkaj na rost cenaŭ, u sakaviku źnizilisia na 0,7%, vynikaje sa źviestak Biełstatu. Hetyja vypłaty byli ŭ minusie na praciahu ŭsiaho pieršaha kvartała. Siarod pryčyn źnižeńnia piensij — inflacyja, jakaja razahnałasia, paviedamlaje Tut.by.
U lutym realnyja piensii ŭpali na 1,9% da studzienia, a miesiacam raniej — na 1,1%.
Siaredni pryznačany pamier piensij nie mianiajecca ŭžo 4 miesiacy zapar i składaje 482,6 rubla. Na kaniec sakavika ŭ Biełarusi pražyvała 2 miljony 477,5 tysiačy piensijanieraŭ.
U 2020 hodzie realnyja piensii padali 8 miesiacaŭ z 12. Rost byŭ tolki ŭ mai, lipieni, žniŭni, śniežni. Pracoŭnyja piensii letaś padvyšali ŭ lipieni i śniežni.
U sakaviku hetaha hoda prykmietna vyraśli ceny na mnohija tavary i pasłuhi, a hadavaja inflacyja razahnałasia da 8,5% hadavych. U lidarach pa roście cen apynulisia ŭ tym liku morkva, bulba, kuryca, śvinina, alej, sol. Heta ŭ tym liku nastupstvy pieradnavahodniaj źmieny ad uładaŭ — pavyšeńnia PDV na mnohija pradukty, leki, miedvyraby, dziciačyja tavary.
U lutym suadnosiny siaredniaj piensii pa ŭzroście i siaredniaj zarpłaty skłali 40,2%. Praŭda, źviazana heta nie z tym, što ŭ krainie vyraśli pracoŭnyja piensii, a z tym, što źniziłasia siaredniaja zarpłata.
U sakaviku ž siaredniaja zarpłata znoŭ vyrasła paśla dvuchmiesiačnaha padzieńnia, z-za čaho suadnosiny siarednich piensii i zarpłaty źmianiłasia nie na karyść pieršych vypłat.
Siaredni pamier piensii pa ŭzroście za studzień-sakavik skłaŭ 512,3 rubla, paviedamlajuć u Minpracy. U pieršym kvartale hetaha hoda suadnosiny siaredniaj piensii pa ŭzroście da siaredniaha zarobku skłała 38,8% (kali ŭziać źviestki tolki za sakavik, to hety pakazčyk budzie jašče nižejšy).
Nie pieršy hod čynoŭniki imknucca davieści piensii da 40% ad siaredniaj zarpłaty (takim byŭ płan i na minułuju, i na bližejšuju piacihodku). Adnak uziać hetuju vyšyniu kali i ŭdajecca, to ŭ asobnyja miesiacy. Zaraz ni Minpracy, ni Biełstat nie publikujuć na pastajannaj asnovie (štomiesiac) źviestak pa siarednim pamiery piensij pa ŭzroście (tolki siarednich pryznačanych).
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary