Tviter‑revalucyi

Vysokija technałohii i sacyjalnyja sietki ŭsio bolej pranikajuć u žyćcio ludziej i adyhryvajuć u im vyznačalnyja roli. Ciapier u ich honar nazyvajuć cełyja revalucyi.

Vysokija technałohii i sacyjalnyja sietki ŭsio bolej pranikajuć u žyćcio ludziej i adyhryvajuć u im vyznačalnyja roli. Ciapier u ich honar nazyvajuć cełyja revalucyi. Apošnija padziei ŭ Iranie i Małdovie pryniata nazyvać «tviter‑revalucyjami». Twitter — heta sistema mini‑błohaŭ (internet‑dziońnikaŭ), jakaja źjaviłasia ŭ lipieni 2006‑ha, to bok praź niekalki miesiacaŭ paśla prezidenckich vybaraŭ u Biełarusi.

Sama nazva «tviter» idzie ad anlijskaha «ščabiatać», «ciŭkać». Heta biaspłatnaja sacyjalnaja sietka, kštałtu ŽŽ. Hałoŭnaje adroźnieńnie tviteru ŭ tym, što hetaja sistema dazvalaje pakinuć tolki karotkaje tekstavaje paviedamleńnie da 140 znakaŭ, jak u sms‑cy. Zapościć fotku ci napisać razhornuty kamientar tviter nie dazvalaje.

Hetaja sacyjalnaja sietka stvarałasia amierykancam Džonam Dorsi z adzinaj metaj — daviedacca, što u dadzieny momant robiać jahonyja siabry. Sistema nabyła vialikuju papularnaść u śviecie i robicca ŭsio bolš papularnaj i ŭ Biełarusi.

Paviedamleńni ŭ tvitery adrazu źjaŭlajucca ŭ dziońniku i imhnienna prychodziać čałavieku, padpisanamu na ich atrymańnie.

Upieršyniu hramadskaje značeńnie tviteru było nadadzienaje ŭ krasaviku letaś, kali amierykanski student Džejms Bak byŭ zatrymany ŭ Jehipcie padčas fatahrafavańnia antyŭradavych vystupaŭ. Pa darozie ŭ pastarunak praz telefon chłopiec paśpieŭ napisać u dziońnik adno słova: «Aryštavany». Jano pryjšło da siabroŭ, jakija nadali spravie mižnarodny rozhałas. U vyniku Bak praz sutki byŭ vyzvaleny.

Vialikuju rolu tviter adyhraŭ padčas niadaŭnich padziejaŭ u Małdovie. Arhanizatary vuličnych akcyj u Kišyniovie vykarystoŭvali tviter dla chutkaha infarmavańnia siabroŭ pra padziei na vulicach.

Dla chutčejšaha znachodžańnia ŭ internecie takich pastoŭ jany prydumali admysłovy teh (klučavoje słova) #pman — heta skaračeńnie ad Piata Marii Adunari Nationale, rumynskaja nazva hałoŭnaj płoščy Kišyniova. Paviedamleńni pad hetym teham byli samymi papularnymi i abmiarkoŭvanymi.

Taksama pratestoŭcy aktyŭna vykarystoŭvali sajt imarin.net dla vykładvańnia videa i Facebook — dla fota. Ułady chutka zrazumieli, jakimi mietadami karystajucca ich praciŭniki, i pastaralisia łakalizavać pracu mabilnych apierataraŭ u rajonach pratestaŭ, a taksama abmiežavać dostup da internetu.

Fejsbuk i tviter vykarystoŭvali ŭ vybarčaj kampanii i paplečniki iranskaha apazicyjnaha palityka Chasejna Musavi.

Dostup da hetych sajtaŭ byŭ zabłakavany jašče da vybaraŭ, ale praz paru dzion razbłakavany. U druhi raz abmiežavali dostup da tviteru irancam paśla prezidenckich vybaraŭ.

Tym nie mienš, paviedamleńni pad teham #Iran elections praciahvali źjaŭlacca ŭ internecie, praz proksi‑sierviery abychodziačy hłušyłki. Paśla zabarony zamiežnym žurnalistam pieradavać ź miesca padziejaŭ, tvitery stali ledźvie nie hałoŭnaj krynicaj infarmacyi. Ź ich dapamohaj apazicyjaniery damaŭlalisia i pra nastupnyja akcyi pratestu.

Dajšło da taho, što ŭ adzin z haračych dzion u Tehieranie Dziarždepartamient ZŠA byŭ vymušany prasić kiraŭnictva Tviteru admianić prafiłaktyčnyja pracy, praź jakija sajt nie adčyniaŭsia.

Tviter hetak mocna pašyrany mienavita ŭ niebahatych krainach, bo heta ekanomna i niadoraha. Zrabić zapis možna sa zvyčajnaha mabilnika. U Biełarusi mabilny internet taksama ŭžo dastupny.

Źmicier Pankaviec

• 0
• 0
• 0
• 0
• 0
• 0
• 0
• 0