Hłabalnaje paciapleńnie: śviet chutka dasiahnie tryvožnaha tempieraturnaha limitu
Tady zmahańnie sa źmienaj klimatu zapatrabuje terminovych dziejańniaŭ.
Suśvietnaja mietearałahičnaja arhanizacyja vypuściła dakład, zhodna ź jakim užo ŭ bližejšyja piać hod ź imaviernaściu 40% jak minimum na praciahu adnaho hoda siaredniaja tempieratura moža być na paŭtara hradusy vyšejšaja za daindustryjalny ŭzrovień. Heta nižejšy z dvuch tempieraturnych limitaŭ, ustanoŭlenych Paryžskim pahadnieńniem pa źmienie klimatu.
Čytajcie pra heta:
Mietearołahi AAN: Adzin z najbližejšych hadoŭ budzie rekordna ciopłym
Krainy-padpisantki Paryžskaha pahadnieńnia stavili na mecie nie dapuskać pieravyšeńnia tempieratury na płaniecie bolš čym na dva hradusy Celsija ŭ paraŭnańni z daindustryjalnym uzroŭniem i zrabić usio mahčymaje, kab utrymać paciapleńnie ŭ miežach paŭtara hradusa. Pry hetym isnavała meta nie pieravyšać hetyja limity na praciahu doŭhaha času, piša VVS.
Kali paciapleńnie na praciahu adnaho hoda budzie dasiahać paŭtara hradusaŭ, heta jašče nie budzie značyć krach Paryžskaha pahadnieńnia, ale, tym nie mienš, na heta treba budzie źviarnuć vialikuju ŭvahu. Takoje pieravyšeńnie tempieratury budzie značyć, što siońnia prymajecca zusim niedastatkova mier dla baraćby sa źmienaj klimatu. Adpaviedna, treba budzie terminova skaračać vykidy vuhlarodu da nula, kab spynić hłabalnaje paciapleńnie.
Raniejšyja analizy pakazvali, što ryzyka dasiahnieńnia limitu ŭ paŭtara hradusa składaje tolki 20%. Ciapierašnija danyja atrymanyja dziakujučy madelavańniu ekśpiertaŭ Mietearałahičnaj słužby Brytanii i pracy daśledčykaŭ klimatu ŭ dziesiaci krainach, u tym liku ŭ ZŠA i Kitai.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary