Nielehały šturmujuć biełaruska-polskuju miažu. Za 2021 hod ich stała bolš u 4 razy
Vialikuju hrupu nielehalnych mihrantaŭ — 24 čałavieki — zatrymali polskija pamiežniki nočču 2 červienia la biełaruskaj miažy. Siarod parušalnikaŭ 11 hramadzian Afhanistana, 9 hramadzian Rasii čačenskaj nacyjanalnaści, 2 hramadzianiny Paleściny, 1 hramadzianin Armienii i 1 hramadzianin Iardanii. Heta nie pieršaja vialikaja hrupa, spynienaja sioleta, paviedamili Hrodna.life ŭ pres-słužbie Padlašskaha adździeła pamiežnaj słužby.
Hrupa mihrantaŭ pierajšła tak zvanuju «zialonuju miažu» ŭ vakolicach miastečka Šudziałova. Ź biełaruskaha boku najbližejšyja značnyja nasielenyja punkty — Małaja Bierastavica, Alekšycy i Makaraŭcy.
Pa stanie na 6 červienia z pačatku 2021 hoda padlašskija pamiežniki zatrymali za niezakonnaje pierasiačeńnie miažy 112 čałaviek. Siarod ich nie tolki parušalniki biełaruska-polskaj miažy, ale i mihranty, spynienyja na polska-litoŭskim pamiežžy, a taksama hłybiej unutry krainy.
«Ale bolšaść hrupaŭ zatrymlivali mienavita za pierachod biełaruska-polskaj miažy — ahułam 92 čałavieki», — paviedamiła Hrodna.life pres-sakratarka Padlašskaha adździaleńnia polskaj pamiežnaj słužby Katažyna Zdanovič. Dla paraŭnańnia — za pieršyja šeść miesiacaŭ 2020 hoda ahułam na ŭsim adrezku, jaki achoŭvaje Padlašski adździeł (miaža ź Litvoj i Biełaruśsiu), zatrymana 24 čałavieki — u 3,8 razoŭ mienš.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary