MZS Biełarusi: Raźličvajem, što ŭ zachodnich partnioraŭ voźmie vierch prahmatyzm
MZS Biełarusi raźličvaje, što ŭ zachodnich partnioraŭ voźmuć vierch prahmatyzm i hatoŭnaść da vyrašeńnia roznahałośsiaŭ šlacham dyjałohu. Taki punkt hledžańnia vykazaŭ žurnalistam pres-sakratar źniešniepalityčnaha viedamstva Anatol Hłaz.
Aficyjny pradstaŭnik MZS padkreśliŭ: «My bačym sproby apraŭdać kryvadušnym kłopatam pra biełaruski narod chałodny hieapalityčny raźlik i žadańnie realizavać svaje vuzkija palityčnyja mety».
Na jaho dumku, usio heta prykryvajecca pryhožymi słovami ab rašučaści padtrymlivać suvierenitet, niezaležnaść i terytaryjalnuju cełasnaść uschodnich susiedziaŭ ES, da jakich adnosicca i naša kraina.
Pres-sakratar taksama adznačyŭ: «Biełaruś nikoli nie stvarała i nie źbirajecca stvarać pahroz rehijanalnaj i mižnarodnaj biaśpiecy. Naadvarot, my robim usio, što ad nas zaležyć, kab u hetaj častcy Jeŭropy zachoŭvalisia mir i stabilnaść. Raźličvajem, što ŭ našych zachodnich partnioraŭ voźmuć vierch prahmatyzm i hatoŭnaść da vyrašeńnia roznahałośsiaŭ šlacham dyjałohu, a nie dyktatu i cisku».
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary