Na Dziaržynskaha zatrymali cełuju zdymačnuju hrupu filma? Što viadoma na hety momant
Paśla 18.00 čytačy «Našaj Nivy» pačali paviedamlać pra toje, što na Dziaržynskaha, 11 pryparkavaŭsia bus z amapaŭcami. Heta ž paćviardžałasia inšymi paviedamleńniami pra terminovy vyjezd śpiectranspartu ŭ bok Hrušaŭki pryblizna ŭ toj samy čas.
Paźniej stała viadoma, što pa hetym adrasie nibyta adbyłosia zatrymańnie vialikaj hrupy ludziej, usich ich dastavili ŭ Maskoŭskaje RUUS. Pavodle papiaredniaj infarmacyi, zatrymali zdymačnuju hrupu filma: niekalki čałaviek paśpieli adpravić paviedamleńni, što na placoŭcy źjaviłasia milicyja, paśla suviaź z usimi členami hrupy źnikła.
Na zdymku bačnaja praca zdymačnaj hrupy. Fota čytača.
Pa danych telehram-kanała «Śviaŝiennyj biełavud», siarod zatrymanych — śpiecyjalist pa aśviatlalnym abstalavańni Andrej Aŭsianikaŭ.
Dziažurny Maskoŭskaha RUUS koratka paviedamiŭ «Našaj Nivie», što zdymačnaja hrupa zatrymlivałasia «inšym padraździaleńniem», padrabiaznaściaŭ jany nie majuć. Pry hetym tam ža paabiacali, što ŭsie zatrymanyja siońnia buduć adpuščanyja dadomu.
Ludziej nočču sapraŭdy pačali adpuskać. Tyja, chto vyjšaŭ, ananimna raspaviali, što milicyjaniery cikavilisia pra što zdymaŭsia film, ci budzie ŭ im bieł-čyrvona-biełaja simvolika, chto finansuje.
«Zdymałasia prosta dypłomnaja praca maładoha režysiora, mieładrama «Ramont kachańnia», a zatrymali amal 20 čałaviek, apytvali, prasili prademanstravać źmiest telefonaŭ. Apošnimi ŭ niavoli zastavalisia dakładna režysior i apieratar», — pieradaŭ adzin z členaŭ kamandy.
Budzie dapoŭniena
Kamientary