Pa ŭsioj Biełarusi iduć zatrymańni i prafiłaktyčnyja hutarki napiaredadni hadaviny pratestaŭ
«Naša Niva» atrymlivaje infarmacyju, što ŭ roznych haradach Biełarusi pierad 9 žniŭnia adbyvajucca previentyŭnyja zatrymańni, a taksama ahlady ŭ tych, chto zatrymlivaŭsia pa «narodnych» artykułach.
Adzin z čytačoŭ našaha vydańnia paviedamlaje, što dva tydni tamu da jaho dadomu prychodzili milicyjanty i prasili padpisać papieru ab praviadzieńni prafiłaktyčnaj hutarki. Mužčynu zatrymlivali ŭ mai, asudzili pa 24.23 č.1 KaAP.
Inšy čytač raskazaŭ, što jaho ŭziali prosta ŭ RUUSie: mužčyna pryjšoŭ na prafiłaktyčnuju hutarku 5 žniŭnia, jaho zatrymali «za niepadparadkavańnie», noč jon pravioŭ u IČU, a nazaŭtra adbyŭsia sud. Vynik — štraf 100 bazavych vieličyń. U IČU ŭ kamiery na šaściarych było 12 čałaviek, va ŭsich byli sudzimaści pa artykułach 19.1 ci 23.4 KaAP, paviedamlaje jon.
Jašče adzin mužčyna paviedamlaje, što jaho vyklikali pa poźvie ŭ prakuraturu na «daču tłumačeńniaŭ». U vyniku začytali artykuły KaAP i KK, jakija tyčacca masavych mierapryjemstvaŭ, i adpuścili.
Taksama paviedamlajuć pra zatrymańni i vobšuki ŭ Pinsku, Kobrynie, Navapołacku.
Vyhladaje, što achviaraj takich previentyŭnych zatrymańniaŭ stała i mama Siarhieja «Chłopotnoje dielcie» Mironava: 61-hadovuju Śviatłanu Čapurka asudzili 6 žniŭnia na 15 sutak pa artykule 19.1 KaAP «Drobnaje chulihanstva».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary