Pasoł Siamaška: Łukašenka i Pucin 9 vieraśnia padpišuć usie darožnyja karty intehracyi
Pra heta paviedamiŭ pasoł Biełarusi Uładzimir Siamaška na sustrečy z hubiernataram Varoniežskaj vobłaści Alaksandram Husievym i vice-śpikieram Dziarždumy Alaksiejem Hardziejevym.
«My, dziakuj bohu, praz try hady znachodzimsia na finišy, kali z 28 kart zastałasia adna. Apošniuju, ja dumaju, my 7-ha [vieraśnia] daciśniem, i ŭžo 9-ha prezidenty sustrakajucca ŭ Maskvie, dzie buduć padpisanyja ŭsie darožnyja karty i karty raźvićcia pahłybleńnia intehracyi», — skazaŭ jon.
Pra hatoŭnaść padpisańnia darožnych kart u hetym hodzie zajaŭlałasia nieadnojčy, adnak i terminy ssoŭvalisia.
Tak, 30 sakavika Uładzimir Siamaška zajaviŭ, što «21 karta hatova da padpisańnia, try karty — adna pa ŭnifikacyi padatkovaha zakanadaŭstva i dźvie karty pa mytnym rehulavańni — źlilisia ŭ adnu. Zastałosia ŭsiaho siem kart, da kanca krasavika, ja spadziajusia, jany buduć uzhodnieny. I tady darožnyja karty i prahramu ich realizacyi mahčyma budzie padpisać u pieršaj pałovie hetaha hoda».
28 krasavika Siamaška zajaviŭ, što «z 28 nieabchodnych dla padpisańnia kart 26 užo zaparafiravany jurystami Rasii i Biełarusi i hatovyja da padpisańnia. Zastałosia jak by dźvie karty. Ja raniej dumaŭ, što, moža być, u krasaviku-mai buduć padpisanyja astatnija dźvie karty. Ale ciapier baču, što zruch moža adbycca na vierasień-kastryčnik».
Adnak užo praz dva miesiacy, 28 červienia, pasoł zajaviŭ, što Biełaruś «raźličvaje zaviaršyć ekanamičnuju intehracyju z Rasijaj da 1 studzienia»
17 žniŭnia pieršy namieśnik premjer-ministra Biełarusi Mikałaj Snapkoŭ zajaviŭ, što Biełaruś i Rasija praktyčna całkam uzhadnili pakiet intehracyjnych dakumientaŭ.
«Paśla zamarozki hetaj tematyki zimoj 2019 hoda pieramovy byli adnoŭlenyja letam 2020-ha. U pracesie pieramovaŭ davoli chutka vyjaviłasia jadro intaresaŭ z kožnaha boku. Dla rasijanaŭ heta pytańni padatkovaha i mytnaha rehulavańnia, to-bok prazrystaści, nahladu tavaraŭ pa ich terytoryi. Dla nas — umovy supracoŭnictva ŭ enierhietycy i dostup na rasijski rynak. Va ŭsim pakiecie ekanamičnych intehracyjnych damoŭlenaściaŭ hałoŭnaja składanaść u našych pierahavornych pytańniach zaklučałasia va ŭzajemapaviazvańni hetych sustrečnych intaresaŭ», — skazaŭ Snapkoŭ.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?12
Kamientary