Rašeńnie na hety kont jašče kančatkova nie pryniataje.
Pra heta paviedamiŭ namieśnik načalnika ŭpraŭleńnia daśledavańniaŭ i stratehičnaha raźvićcia Nacbanka Michaił Dziemidzienka, piša BiełTA.
«Nacyjanalny bank jašče nie pryniaŭ rašeńnie, ci budzie albo nie budzie ŭviedzieny ličbavy biełaruski rubiel. My pačynajem vyvučać hetaje pytańnie. Jak praviła, pierad uviadzieńniem ličbavaj valuty centralnyja banki prachodziać vielmi doŭhi šlach. Usio pačynajecca z napisańnia kancepcyi ličbavaj valuty.
Hetaja kancepcyja dastatkova doŭha i šyroka abmiarkoŭvajecca z subjektami ekanomiki, pradstaŭnikami biznesu, bankaŭ, ekśpiertnaj supolnaściu. Potym vyrašajucca pytańni, jaki aptymalny dyzajn hetaj valuty, ci budzie jon na płatformie ŭłasnaj abo mižnarodnaj raspracoŭki. Dalej pravodzicca piłotny prajekt, jaki praduhledžvaje abmiežavanuju kolkaść udzielnikaŭ, kab vyznačyć vartaści i niedachopy dyzajnu. I tolki potym miarkujecca pryniaćcie rašeńnia ab uviadzieńni abo nieŭviadzieńni ličbavaha biełaruskaha rubla», — skazaŭ Michaił Dziemidzienka.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary