Skončyŭ karjeru Arciom Mileŭski. Jon admoviŭsia hulać za Biełaruś i zapomniŭsia mnostvam skandałaŭ
36-hadovy forvard zapisaŭ videa na kijeŭskim stadyjonie «Dynama», u jakim napisaŭ list sabie 15-hadovamu i zhadaŭ svaje karjernyja «fejły».
Mileŭski naradziŭsia ŭ Minsku i hulaŭ za junackuju zbornuju Biełarusi, ale ŭ 15 hadoŭ pierajechaŭ u Kijeŭ i pastupiŭ u akademiju miascovaha «Dynama».
Tady chłopiec zajaviŭ, što choča hulać za Ukrainu. Heta pryviało da sprečak fiederacyj futboła, ale ŭ vyniku biełaruskaja admoviłasia ad Mileŭskaha.
Za zbornuju Ukrainy Arciom pravioŭ 50 matčaŭ, u tym liku ŭdzielničaŭ u čempijanacie śvietu 2006 hoda.
Talenavity futbalist zapomniŭsia bolš nie jarkaj hulnioj, a skandałami: Mileŭski raźbivaŭ darahija aŭto i spuskaŭ vialikija sumy hrošaj na hulanki, źjaŭlaŭsia na pres-kanfierencyjach u chałacie, spračaŭsia z kiraŭnictvam kłubaŭ.
Paśla sychodu z kijeŭskaha «Dynama» karjera Mileŭskaha pajšła na spad. U 2017 hodzie forvard padpisaŭ kantrakt z bresckim «Dynama», ź jakim vyjhraŭ čempijanat, kubak i try supierkubki Biełarusi.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary