Nie tolki listy, ale i hrašovyja pieravody: voś jak vy možacie prademanstravać salidarnaść sa źniavolenymi našaniŭcami
Jany ŭsio žyćcio pisali dla vas, pracavali dla ludziej. Ciapier vy možacie napisać dla ich, vy možacie taksama zrabić hrašovy pieravod.
Siarod bolš jak 2700 biełarusaŭ, jakija papali pad kryminalny palityčny pieraśled paśla 2020 hoda, jość i našaniŭcy. Žurnalisty Jahor Marcinovič i Andrej Skurko praciahvajuć znachodzicca na Vaładarcy pa abvinavačvańniach, jakija pravaabaroncy ličać palityčna matyvavanymi. Našy kalehi pryznanyja palitviaźniami. Navat u turmie jany praciahvajuć pisać. Tak, Andrej Skurko stvaryŭ cykł dziciačych vieršaŭ, jon dasyłaje ich svajmu paŭtarahadovamu synu.
Pakul źniavoleny nie asudžany, banderoli i hrašovyja pieravody jamu moža rabić luby čałaviek. Ich kolkaść nie abmiežavanaja.
Atrymanyja hrošy viaźni traciać na zakup praduktaŭ u turemnaj kramie, što dazvalaje rabić racyjon bolš zbałansavanym (čaj, cukar, nierafinavany alej i h.d.) i aščadžaje hrošy siamji. Akramia taho, jany za ich mohuć kuplać kanvierty, apłačvać padpisku na vydańni.
Hrašovyja pieravody praź internet-bankinh možna rabić va ŭsie ŭstanovy, akramia SIZA-1 Minska. (Tut padrabiazna raśpisana, jak pasyłać hrošy praz bankinh.)
U SIZA-1 (Vaładarka) i va ŭsie inšyja ŭstanovy možna rabić paštovyja pieravody na kožnym adździaleńni pošty.
Dla hetaha treba prosta paznačyć imia, imia pa baćku i proźvišča palitviaźnia, a taksama adras ustanovy. U našaniŭcaŭ heta:
Marcinovič Jahor Alaksandravič
Skurko Andrej Hienadzievič
SIZA-1, Minsk, vuł. Vaładarskaha 2, 220030
Błanki paštovych hrašovych pieravodaŭ jość na poštach. Za pieravod nievialikaj sumy biaruć zbor 1 rubiel. Jašče 66 kapiejek kaštuje, kali vy chočacie atrymać paštovaje paviedamleńnie pra zaličeńnie hrošaj adrasatu. Adrasat bačyć, chto pieravioŭ jamu hrošy, bo jamu pakazvajuć kvitancyju i dajuć raśpisacca ŭ joj.
Pry pieravodzie praź internet-bankinh zbor nie płacicca, ale i paviedamleńnia pra ŭručeńnie vam nie prychodzić. Kali płaciež nie prachodzić, hrošy viartajucca vam na rachunak. Kali nie prachodzić paštovy pieravod (takoje zdarajecca, kali źniavolenaha pieraviali ŭ inšuju turmu), hrošy viartajucca na vaš adras.
Kali čałaviek užo asudžany, to pieravody i banderoli jamu ad niarodzičaŭ pieradajuć tolki z dazvołu načalnika turmy.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Zahinuŭ biełaruski dobraachvotnik Alaksiej Łazaraŭ6
Kamientary