U milicyju źviarnułasia 39-hadovaja buchhałtarka. Jana raskazała, što ź jaje raniej vykinutaj bankaŭskaj kartki źnikli 185 rubloŭ.
Akazałasia, što žančyna niapravilna pahladzieła termin dziejańnia kartki i źviarnułasia ŭ bank dla jaje zamieny.
Paśla pieraafarmleńnia atrymała na ruki novuju kartku, a staruju vykinuła ŭ śmietnicu, paviedamlaje Rehijanalnaja hazieta.
Adnak praź niejki čas žančyna nie zmahła apłacić pakupki ŭ kramie, pakolki na kart-rachunku nie akazałasia hrošaj.
Žančyna źviarnułasia pa kansultacyju ŭ bank i ŭziała vypisku. Stała jasna, što jaje płastykavaj kartaj chtości raspłačvaŭsia ŭ roznych kramach u Maładziečnie.
Vyśvietliłasia, što staruju bankaŭskuju kartu ŭ śmietnicy znajšła biespracoŭnaja 48-hadovaja maładziečanka. Vyrašyŭšy vyprabavać udaču, pasprabavała apłacić cyharety. Kartka ž była bieskantaktnaja. Potym jana kupiła kavy na vynas, ałkahol i zakusku.
Adnak jaje dziejańni trapili na videakamiery. Žančyna paśpieła patracić 185 rubloŭ, a zaraz joj pahražaje da troch hadoŭ turmy (kradziež majomaści šlacham madyfikacyi kampjutarnaj infarmacyi).
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary