Francyja abvinavaciła siamju Łukašenki ŭ arhanizavanym handli ludźmi, ale imionaŭ nie nazvała
Svajaki Alaksandra Łukašenki metanakiravana arhanizoŭvajuć pajezdki mihrantaŭ da miežaŭ Biełarusi z krainami ES, zajavili ŭ MZS Francyi, pieradaje DW.
Svajaki Łukašenki metanakiravana arhanizoŭvajuć pajezdki mihrantaŭ, jakija prybyvajuć u Biełaruś, da jaje miežaŭ z krainami Jeŭrapiejskaha Sajuza, zajaviŭ u sieradu, 27 kastryčnika, dziaržaŭny sakratar pa jeŭrapiejskich spravach pry MZS Francyi Kleman Bon, nie nazyvajučy kankretnych imionaŭ. Pa jaho słovach, meta biełaruskaha boku — asłabić i raźjadnać ES.
Vystupajučy pierad kamitetam sienata pa jeŭrapiejskich spravach, Bon patłumačyŭ, što «biełaruski režym umieła arhanizuje siabie praz Turcyju i Dubaj». «Heta nievynosny handal, nakiravany na pasłableńnie i padzieł Jeŭrapiejskaha sajuza», — dadaŭ namieśnik ministra zamiežnych spraŭ Francyi.
Łukašenka choča zavabić Jeŭrasajuz u pastku, śćviardžajučy, što Jeŭropa parušaje ŭłasnyja pryncypy, miarkuje Bon. Pradstaŭnik MZS Francyi zaklikaŭ dziejničać «rašuča i humanna» ŭ situacyi na polska-biełaruskaj miažy.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary