Vice-premjer Nazaraŭ pryznaŭsia, što rasijanie chočuć padniać canu na naftu dla Biełarusi z-za sankcyj
Rasijskija kampanii prapanujuć pavialičyć canu dla biełaruskich NPZ na fonie sankcyj. Heta vynikaje z adkazu vice-premjera Juryja Nazarava na pytańnie deputata Pałaty pradstaŭnikoŭ Aleha Hajdukieviča.
Videazapis adkazu vykłała pres-słužba Pałaty pradstaŭnikoŭ, na heta źviarnuŭ uvahu Reform.by.
«Nam siońnia praściej. Nu tak, nie zaŭsiody prosta tam adhandlavać canu na naftu. Voś my ciapier viadziom kampaniju zakupki nafty na nastupny hod. Nam kažuć: słuchajcie, nu ryzykoŭna z vami pracavać. Davajcie my za ryzyki padymiem canu. My abmiarkoŭvajem, my pierakonvajem, my znachodzim rašeńni. Voś heta vielmi važna», — skazaŭ Juryj Nazaraŭ, kažučy ab uzajemadziejańni z Rasijaj apošnim časam.
Vice-premjer nie ŭdakładniŭ, jak było vyrašana pytańnie ab cenach na naftu, kali i ad kaho pastupała prapanova ab pavieličeńni koštu syraviny z Rasii.
Pavodle jaho słoŭ, va ŭrada jość peŭnyja płany, što pradprymać i ŭ vypadku pryniaćcia piataha pakieta sankcyj. Juryj Nazaraŭ nahadaŭ, što «Biełnaftachim» znachodzicca pad sankcyjami z 2007 hoda. Hety dośvied abahulnieny ŭ «darožnyja karty».
«Razumiejecie, što z 2007 hoda pradpryjemstvy «Biełnaftachima» navučylisia voś chitryć… U nas pa kožnym viedamstvie raspracavana darožnaja karta. Jana nie zastyłaja. Tam niama takoha ałharytmu, što kali voś piaty pakiet sankcyj ustupiŭ, to my ŭžo viedajem, što rabić. My viedajem, što treba rabić u vypadku dalejšaha pahłybleńnia sankcyj», — patłumačyŭ schiemu abychodu sankcyj čynoŭnik.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary