U Biełarusi z 1 listapada vyraście pamier dziciačych dapamoh i niekatorych inšych sacyjalnych vypłat u suviazi z pavieličeńniem biudžetu pražytačnaha minimumu.
Biudžet pražytačnaha minimumu z 1 listapada ŭ raźliku na miesiac ustanoŭleny ŭ pamiery 288,01 rubla. Jon pavysiŭsia na 1,6 pracenta ŭ paraŭnańni z narmatyvam, jaki dziejničaŭ z 1 žniŭnia pa 31 kastryčnika 2021 hoda, adpaviedna pavialičvajucca i sacyjalnyja vypłaty, u tym liku dziaržaŭnyja dapamohi siemjam, jakija vychoŭvajuć dziaciej.
Adnarazovaja dapamoha pry naradžeńni pieršaha dziciaci ciapier składzie 2880,1 rubla (10 BPM); pry naradžeńni druhoha i nastupnych dziaciej — 4032,14 rubla (14 BPM). Adnarazovaja dapamoha žančynam, jakija stali na ŭlik u arhanizacyjach achovy zdaroŭja da 12-tydniovaha terminu ciažarnaści, ź listapada budzie vypłačvacca ŭ pamiery 288,01 rubla, dapamoha siemjam na dziaciej va ŭzroście ad 3 da 18 hadoŭ u pieryjad vychavańnia dziciaci va ŭzroście da troch hadoŭ (štomiesiačnaja) — u pamiery 144,01 rubla.
Štomiesiačnaja dapamoha siemjam na dziaciej starejšych za 3 hady z asobnych katehoryj siemjaŭ, jakija vyznačajucca zakanadaŭstvam, składzie: na dzicia-invalida — 201,61 rubla, na inšych dziaciej u siamji — 144,01 rubla. Štomiesiačnaja dapamoha pa dohladzie dziciaci-invalida va ŭzroście da 18 hadoŭ składaje 288,01 rubla (z I i II stupieńniu straty zdaroŭja i z III i IV stupieńniu straty zdaroŭja da spaŭnieńnia dziciaci 3 hadoŭ) i 345,61 rubla (z III i IV stupieńniu straty zdaroŭja paśla spaŭnieńnia dziciaci 3 hadoŭ), štomiesiačnaja dapamoha na dzicia va ŭzroście da 18 hadoŭ, jakoje inficyravana VIČ, — 201,61 rubla.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja39
Kamientary