Recept na vychadnyja: francuzskija kaladnyja piačeńki «Sable»

Dla piačeńnia «Sable» vam spatrebicca:

• 115 hramaŭ masła pakajovaj tempieratury,
• 50 hramaŭ cukru,
• 25 hramaŭ cukrovaj pudry,
• ¼ čajnaj łyžki soli,
• ½ čajnaj łyžki mołataha cynamonu (jon ža karyca),
• 1/8 čajnaj łyžki mołataj hvaździki,
• 1 žaŭtok vialikaha jajka pakajovaj tempieratury (białok pakińcie dla hłazury),
• 1 čajnaja łyžka ekstraktu vanili,
• cedra adnaho siaredniaha apielsina,
• 150 hramaŭ muki (taksama muka spatrebicca dla raskački ciesta)

Dla hłazury:

• 2 białki pakajovaj tempieratury,
• trošku śviežaha limonnaha soku,
• 360 hramaŭ prasiejanaj cukrovaj pudry,
• 1 kropla błakitnaha charčovaha farbavalnika.

1. Raźmiašajcie masła z cukram da miakkaj kansistencyi, dadajcie cynamon, hvaździku i sol, pieramiašajcie. Dadajcie žaŭtok, cedru apielsina i ekstrakt vanili, pieramiešvajcie, pakul žaŭtok nie ŭbiarecca ŭ ciesta. Dadajcie muku i vymiesicie ciesta.
2. Pakładzicie ciesta ŭ płastykavy pakiet i raskačajcie ŭ korž taŭščynioj 2,5 sm. Korž schavajcie ŭ ladoŭniu na adnu hadzinu.
3. Razahrejcie duchoŭku da 180 S. Pakładzicie na blachu papieru dla vypiečki i adkładzicie ŭbok. Ciesta dastańcie ź ladoŭni, dajcie jamu sahrecca 15 chvilin. Kali raskačać jaho adrazu, na im źjaviacca treščyny.
4. Pasypcie došku mukoj i raskačajcie na joj ciesta tak, kab jaho taŭščynia była 5-6 mm. Raskačvajcie zaŭsiody ŭ adzin bok, prakručvajučy ciesta patrošku pa kole.
5. Vyražcie fihurki, jakija vam daspadoby. Piačeńki nie buduć padymacca, tamu možna ščylna vykłaści ich na papieru dla vypiečki. Adpraŭcie ich na papiery ŭ ladoŭniu na 10 chvilin.
6. Vypiakajcie 18 chvilin. Jany pavinny stać załacistymi pa krajach. Dastańcie blachu z duchoŭki, ale dajcie piačeńkam jašče palažać na joj chvilin piać. Kali źniać ich raniej, jany buduć nadta miakkija.
7. Pieraniasicie piačeńki na papiery ź blachi na kratki albo inšuju pavierchniu, kab jany astyli da kanca. Pakul jany astyvajuć, pryhatujcie hłazuru, uźbiŭšy białki ź limonnym sokam. Uźbivać ich treba, pakul białki nie zhubiać žaŭtavataha adcieńnia. Zatym dadajcie cukrovaj pudry, raździalicie 360 hramaŭ pudry na try častki i dadavajcie da białkoŭ pa častkach, uźbivajučy pry hetym sumieś. Kali hłazura stanie biełaj i hustoj, pierastańcie ŭźbivać.
8. Prykładna treć padrychtavanaj hłazury pierakładzicie ŭ inšuju misku. Dadajcie tudy kroplu błakitnaha charčovaha farbavalnika i ŭźbicie. Razmalujcie piačeńki biełaj i błakitnaj hłazuraj.
9. Dačakajciesia, pakul hłazura całkam zastynie (2-3 hadziny), pierš čym azdablać piačeńki roznymi ŭzorami.

U Biełarusi ŭ nastupnym hodzie źjavicca kaŭbasa bieź miasa

Pamiatajecie dziŭny čajny hryb z 90-ch? Ciapier jon u trendzie va ŭsim śviecie

• 2
• 0
• 0
• 1
• 0
• 0
• 0
• 0