U škole Bresta adzin chłopiec udaryŭ druhoha pa nahach. Jaho maci pajšła ŭ sud — choča 1000 rubloŭ za maralnuju škodu

Pra niepryjemnuju situacyju bieraściejka Alena Ščarbakova raskazała ŭ tyktoku.

Adbyłosia ŭsio sioleta ŭ lutym. Alena apisvaje situacyju tak: dzieci ŭžo vychodzili sa škoły paśla zaniatkaŭ. Na hanku jaje syn Artur (jamu ŭ toj momant było 12 hadoŭ) uciakaŭ ad inšaha chłopca. Toj, kab spynić Artura, udaryŭ jaho pa nahach.

Upaŭ Artur vielmi niaŭdała. Pa słovach Aleny, jaje syn atrymaŭ 17 drapin i siniakoŭ, złamaŭ nos i try zuby. Ubačyŭšy dzicia ŭ takim stanie, maci adrazu pajechała ź im u balnicu. Miedyki, jak i naležyć, infarmacyju pra surjoznyja traŭmy ŭ chłopca pieradali ŭ milicyju. Užo na nastupny dzień supracoŭniki milicyi pryjšli ŭ škołu, apytali dziaciej i prahladzieli videazapisy z kamier nazirańnia.

Alena śćviardžaje, što baćki druhoha chłopčyka navat nie paprasili prabačeńnia za taki vypadak.

@lena_sherbakova86

Očień mnoho roditielej napisali mnie v ličku so svoimi istorijami i vsie sprašivajut, čto nužno dla podhotovki k sudu. Nam ponadobiliś: -Otkaz v biespłatnom lečienii v dietskoj stomatołohii - Kalkulacija stoimosti naraŝivanija zubov: 450BYN -Dokumienty iz milicii: opros malčikov, vidieozapiś s kamiery, otčiot sudmiedekśpierta: zafiksirovannyje travmy -Dokumienty iz bolnicy: dannyje rienthiena, opisanije travm -Dokumienty iz bolnicy i polikliniki, podtvierždajuŝije pieriodičieski voźnikajuŝije sudorohi. Tak žie jesť pomietka o proviedienii biesiedy o travmach i ich pośledstvijach -Iskovoje zajavlenije v sud -Kvitancija i dohovor za sostavlenija iskovoho zajavlenija 500 BYN -Učastije advokata v sudie: 450BYN za každoje zasiedanije A možno było by prosto postupiť po-čiełoviečieski. Iźviniťsia za vried pričiniennyj mojemu synu i voźmiestiť stoimosť lečienija

♬ orihinalnyj zvuk - Jelena Ŝierbakova

Žančyna kaža, što, akramia fizičnych traŭm, jaje syn atrymaŭ i psichałahičnyja. Paśla vypadku ŭ jaho pačalisia paničnyja ataki, jakija vyjaŭlajucca ŭ sutarhach. Adnojčy praź ich jon navat trapiŭ u balnicu.

U reabilitacyju Artura, pa słovach maci, pryjšłosia ŭkłaści niamała hrošaj. Alena raźličvała, što baćki inšaha chłopca kampiensujuć jaje vydatki. Ale tyja paraili źviartacca ŭ sud. Mienavita tak maci i zrabiła.

— Zuby nam kaštavali 450 rubloŭ, ale nas adrazu papiaredzili, što jany na 3‑5 hadoŭ. Pakul bolš ničoha dziciaci zrabić niamožna, bo jamu 13 hadoŭ, skivica jašče tolki farmujecca. Pazoŭnaja zajava kaštavała 500 rubloŭ (daražej, čym sami zuby).

Taksama Alena prosić 1000 rubloŭ u jakaści kampiensacyi maralnaj škody — takuju sumu žančyna ličyć simvaličnaj, bo na roznyja abśledavańni ŭ pryvatnaj klinicy patraciła bolš.

Ahułam piać videa, pryśviečanyja niepryjemnaj historyi, sabrali ŭžo bolš za 1,8 miljona prahladaŭ. I davoli šmat chto z kamientataraŭ asudziŭ maci. Davoli typovy kamientaryj hučyć tak: «Jak my vyžyli ŭ 90-ja? A chutka ŭ sud buduć padavać, kali dzicia kiepska zirnie na inšaje dzicia».

@lena_sherbakova86

♬ orihinalnyj zvuk - Jelena Ŝierbakova

Alena ž ličyć, što ŭsio robić pravilna — baronić svajo dzicia, karystajučysia pravavymi instrumientami.

— Tyja, chto piša mnie: «Raniej voś my ŭ 90‑ch raźbiralisia inakš»… Raniej zuby vy jak naroščvali? Tryputnik prykładvali? Kali nie sud, to jak treba było zrabić? Tvar jamu raźbić? Jak pa-inšamu razabracca?

@lena_sherbakova86

nu čto skažietie na takoje, čietkije pacančiki?

♬ orihinalnyj zvuk - Jelena Ŝierbakova

Užo adbyłosia pieršaje pasiadžeńnie pa spravie. Zaklučyć miravoje pahadnieńnie (a jano kaštuje 500 rubloŭ), na jakoje Alena spadziavałasia, nie ŭdałosia. Žančyna raspaviała, što adkazčyk navat nie pryjšoŭ u sud i sudździ pryjšłosia telefanavać baćku druhoha chłopca, kab daviedacca jaho pazicyju.

Napieradzie jašče jak minimum adno pasiadžeńnie — padčas jaho sudździa płanuje razmaŭlać užo z samimi chłopcami.

• 12
• 0
• 0
• 2
• 0
• 3
• 3
• 0