Žycharcy Tałačyna vydalili orhan praz pamyłku miedykaŭ. Žančyna padała ŭ sud na balnicu
Letaś žycharka Tałačyna amal na miesiac trapiła ŭ miascovuju balnicu. Jaje stan paharšaŭsia, tamu joj ekstranna zrabili dźvie apieracyi, adnak lepš nie stała, tamu žančynu pieraviali ŭ Viciebskuju abłasnuju balnicu, zatym — u balnicu chutkaj dapamohi Viciebska. Paśla vypiski jana bolš za try tydni była na balničnym. Pacyjentka źviarnułasia spačatku ŭ SK, a paśla ŭ sud — i vyjhrała spravu.
Śledčyja pačali pravierku pa zajavie žančyny. Dźvie sudova-miedycynskija ekśpiertyzy pakazali, što dziejańni miedykaŭ pa nieaściarožnaści pryviali da ciažkich cialesnych paškodžańniaŭ.
Ekśpierty pryjšli da vysnovy, što daktary pierad praviadzieńniem apieracyi nie zrabili poŭnaje instrumientalnaje daśledavańnie, heta pryviało da paškodžańnia ŭnutranych orhanaŭ, jak vynik — adzin ź ich daviałosia amputavać.
Žančyna źviarnułasia i ŭ sud, jana patrabavała spahnać z balnicy 30 tysiač rubloŭ maralnaj škody, kala 1200 rubloŭ majomasnaj škody (straty zarobku i hrošy, patračanyja na lačeńnie), 700 rubloŭ kampiensacyi za jurydyčnuju dapamohu.
Pacyjentka vyjhrała praces, ale sud źmienšyŭ sumy: balnica zapłacić joj 18 tysiač rubloŭ maralnaj škody, kala 760 rubloŭ materyjalnaj škody i kala 380 rubloŭ — za zvarot pa jurydyčnuju dapamohu.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach7
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary