Novaja Ziełandyja zabaronić prodaž tytuniu novym pakaleńniam, kab całkam admovicca ad kureńnia. Kožny, chto naradziŭsia paśla 2008 hoda, nie zmoža kupić cyharety ci inšyja tytuniovyja vyraby na praciahu ŭsiaho žyćcia. Taki zakon pavinny pryniać u nastupnym hodzie, paviedamlaje Bi-bi-si.
«My chočam być upeŭnienyja, što maładyja ludzi nikoli nie pačnuć kuryć», — skazała namieśnica ministra achovy zdaroŭja Ajša Vierał.
Hety krok źjaŭlajecca častkaj maštabnaj baraćby z kureńniem, abvieščanaj Ministerstvam achovy zdaroŭja Novaj Ziełandyi.
Daktary i inšyja ekśpierty ŭ halinie achovy zdaroŭja ŭ krainie vitajuć reformy, jakija pamienšać dostup da tytuniu i abmiažujuć uzrovień nikacinu ŭ cyharetach.
«Heta dapamoža ludziam kinuć kuryć abo pierajści na mienš škodnyja pradukty, a taksama pamienšyć vierahodnaść taho, što maładyja ludzi stanuć zaležnyja ad nikacinu», — skazała prafiesar Džaniet Huk z Univiersiteta Ataha.
Novaja Ziełandyja poŭnaja rašučaści dasiahnuć nacyjanalnaj mety pa źnižeńni ŭzroŭniu kureńnia da 5% da 2025 hoda, z kančatkovaj metaj — całkam vykaranić hetuju škodnuju zvyčku.
Ciapier prykładna 13% darosłych u krainie kuryć, a dziesiać hadoŭ tamu takich było 18%.
Ale hety ŭzrovień našmat vyšejšy, kala 31%, siarod karennaha nasielnictva maory, što taksama pakutuje na bolš vysoki ŭzrovień zachvorvańniaŭ i śmiarotnaści.
Ministerstva achovy zdaroŭja Novaj Ziełandyi śćviardžaje, što kureńnie vyklikaje kožny čaćviorty vypadak raku i zastajecca asnoŭnaj pryčynaj śmierci, jakuju možna praduchilić, dla piaci miljonaŭ nasielnictva.
Tytuniovaja industryja źjaŭlajecca mišeńniu dla zakanadaŭcaŭ užo bolš za dziesiać hadoŭ.
U ramkach žorstkich mier, abvieščanych u čaćvier, urad taksama ŭvioŭ surjoznyja miery kantrolu nad tytuniom, uklučajučy istotnyja abmiežavańni taho, dzie možna pradavać cyharety, kab vyklučyć ich z asartymientu supiermarkietaŭ i kijoskaŭ.
Čynoŭniki kažuć, što kolkaść kram, jakija majuć prava pradavać cyharety, rezka skarocicca ź ciapierašnich 8 tysiač da 500.
U apošnija hady vejpinh, to-bok kureńnie elektronnych cyharet, jakija vydzialajuć paru, što taksama źmiaščaje nikacin, staŭ značna papularniejšy siarod małodšaha pakaleńnia, čym zvyčajnyja cyharety.
Adnak čynoŭniki papiaredžvajuć, što vejpinh taksama niebiaśpiečny. U vadkaściach dla elektronnych cyharet navukoŭcy vyjavili niebiaśpiečnyja rečyvy, jakija vyklikajuć rak.
Adnak u 2017 hodzie kraina pryniała vejpinh jak srodak, jaki dapamoža ludziam kinuć kuryć.
Minsk siońnia viečaram pahruziŭsia ŭ ciemru. Paśla zahadu Łukašenki46
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary