Cichanoŭskamu — 18 hadoŭ, Łosiku — 15, Statkieviču — 14. Vyniesienyja žachlivyja prysudy pa «spravie Cichanoŭskaha»
Prysud byŭ vyniesieny siońnia ŭ Homielskim SIZA.
Siarhieja Cichanoŭskaha pryznali vinavatym pavodle č. 1 art. 293 (arhanizacyja masavych biesparadkaŭ), č. 3 art. 130 (raspalvańnie sacyjalnaj varožaści), č. 2 art. 191 (pieraškoda pracy CVK), č. 1 art. 342 (arhanizacyja dziejańniaŭ, jakija hruba parušajuć hramadski paradak). Jamu pryznačyli 18 hadoŭ kałonii ŭzmocnienaha režymu.
Arcioma Sakava i Dźmitryja Papova pavodle č. 1 art. 293 (arhanizacyja masavych biesparadkaŭ), č. 3 art. 130 (raspalvańnie sacyjalnaj varožaści), č. 2 art. 191 (pieraškoda pracy CVK), č. 1 art. 342 (arhanizacyja dziejańniaŭ, jakija hruba parušajuć hramadski paradak) prysudzili da 16 hadoŭ kałonii ŭzmocnienaha režymu.
Ihara Łosika i Uładzimira Cyhanoviča prysudzili da 15 hadoŭ kałonii ŭzmocnienaha režymu pavodle č. 1 art. 293 (arhanizacyja masavych biesparadkaŭ) i č. 3 art. 130 (raspalvańnie sacyjalnaj varožaści).
Mikałaja Statkieviča pryznali vinavatym pavodle č. 1 art. 293 (arhanizacyja masavych biesparadkaŭ) i pryznačyli 14 hadoŭ pazbaŭleńnia z voli.
***
Sud nad Siarhiejem Cichanoŭskim, Iharam Łosikam, Mikołam Statkievičam, Uładzimiram Cyhanovičam, Dźmitryjem Papovym i Arciomam Sakavym pačaŭsia amal paŭhoda tamu, 24 červienia 2021 hoda, i prachodziŭ u zakrytym režymie. Advakaty dali padpisku ab nierazhałošvańni, tamu pra akaličnaści pracesu ničoha nie było viadoma, jak nie było viadoma i pra vystaŭlenyja artykuły.
Pryčym usie asudžanyja byli zatrymanyja ŭ mai-červieni 2020 hoda, jašče da prezidenckich vybaraŭ.
«Režymu nie ŭdałosia raździalić ludziej». Cichanoŭskaja ŭ kamientary «Našaj Nivie» pra prysud mužu
Darja Łosik pra prysud mužu: «Ja ni razu nie paškadavała, što Ihar moj muž, što ja addała jamu svajo serca»
«Mikałaj paŭtaraje: u ich niama stolki času, kolki jany spadziajucca». Žonka Statkieviča pra pryhavor mužu
Što treba viedać pra «spravu Cichanoŭskaha»
-
«Zrabili pravilnyja vysnovy». Ministr enierhietyki acaniŭ likvidacyju nastupstvaŭ niepahadzi
-
«Naturalnaja spakusa — uvapchnuć ŭ siabie ŭsio, pra što ŭ niavoli zastavałasia tolki mroić». Były palitviazień Karniej raskazaŭ pra turemny racyjon i jak ad jaho adychodzić
-
U Minsku mužčyna rabiŭ ramont ziaciu, a budmateryjały braŭ u susiedziaŭ
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary