Ministry transpartu i zamiežnych spraŭ Litvy zachavajuć svaje pasady
U aŭtorak uviečary premjer-ministarka Inhryda Šymanicie paviedamiła, što ŭrad Litvy praciahnie pracu ŭ raniejšym składzie.
U paviedamleńni Šymanicie havorycca, što ŭrad paśladoŭna padtrymlivaŭ i aktyŭna damahaŭsia ŭviadzieńnia sankcyj suprać režymu Łukašenki i nikoli nie damahaŭsia vyklučeńnia z sankcyjnaha śpisu asobnych tavaraŭ ci subjektaŭ.
Taksama kiraŭnica ŭrada paviedamiła, što zmahła pierakanać ministraŭ zamiežnych spraŭ Habryelusa Łandśbierhisa i ministra transpartu Marusa Skuodzisa zabrać zajavy ab adstaŭcy.
Da 31 studzienia płanujecca pradstavić usie mahčymyja rašeńni situacyi z tranzitam biełaruskaha kaliju praź Litvu, jakija harantujuć intaresy nacyjanalnaj biaśpieki Litvy i minimizujuć finansavyja ryzyki. Na ŭzroŭni ES buduć pradstaŭlenyja prapanovy pa dalejšych siektaralnych sankcyjach suprać biełaruskaha režymu i sinchranizacyi z sankcyjami ZŠA.
U toj ža čas stała viadoma, što z pasady staršyni praŭleńnia «ŁŽD» sydzie Mantas Bartuška.
U Litvie adbyŭsia palityčny kryzis praz skandał z padsankcyjnym pradpryjemstvam «Biełkalij». Niahledziačy na amierykanskija sankcyi i paśladoŭnuju palityku Litvy na padtrymku demakratyčnych źmienaŭ u Biełarusi, litoŭskaja čyhunka praciahnuła pieravozić biełaruskija ŭhnajeńni. Chto i jak budzie kampiensavać litoŭskamu pradpryjemstvu šmatmiljonnyja straty ad prypynieńnia supracoŭnictva z «Biełkalijem», nieviadoma.
Kamientary