Jaŭhien Babak: Na cud nie spadziavajciesia, mnie jašče siadzieć doŭha
Były pamočnik prakurora Jaŭhien Babak, jaki prachodzić padazravanym pa art. 342 («Hrupavyja dziejańni, jakija hruba parušajuć hramadski paradak»), dasłaŭ na volu list z-za krataŭ. Jaho cytuje «Novy čas».
«Mnie šmat listoŭ nie dachodzić…
Na cud nie spadziavajciesia, mnie jašče siadzieć pryjdziecca doŭha…
Sam pačuvajusia narmalna, užo nie chvarejem u kamiery. Raniej ŭsioj kamieraj adnačasova chvareli…
Śpis z 500+ knih, jakija «Viasna» pieradavała siudy, u nas jość i my ź jaho i zamaŭlajem knihi…
Samomu mnie padabajecca hladzieć futboł u barach z kuflem piva, čytać knihi, absalutna roznyja, ale bolš mastackija, hladzieć dobryja filmy, słuchać rok-muzyku. Cikaŭlusia historyjaj, žyćciami i bijahrafijami cikavych mnie ludziej, padabajecca astrafizika…
Pišycie mnie pra ŭsio, što sami paličycie patrebnym. U nas tut usio roŭna zamała infarmacyi, dy i toje, što dachodzić z televizara. Nu, jašče pra sport u hazietach čytajem, jakija my vypisvajem…
Mnie dasyłać ničoha nie treba, u mianie ŭsiaho chapaje, dy i mnie šmat nie treba dla kamfortnaha žyćcia. Nie marnujcie svaje hrošy, lepš vydatkujcie ich na siabie abo na svaich blizkich…
Bieražycie siabie!!!»
Jaŭhien Babak byŭ zatrymany ŭ kancy červienia 2021 hoda. Jaho padazrajuć u arhanizacyi i padrychtoŭcy dziejańniaŭ, jakija hruba parušajuć hramadski paradak, abo ŭ aktyŭnym udziele ŭ ich (342 artykuł).
U žniŭni 2020-ha Jaŭhien inicyjavaŭ pravierku ludziej u formie DAI, jakija źbivali bajkieraŭ nočču 11 žniŭnia. Pravierka ni da čaho nie pryviała, a sam Babak tady zvolniŭsia.
Napisać viaźniu možna na adras: 220030, h. Minsk, vuł. Vaładarskaha, 2. SIZA-1, k. 70.
Babaku Jaŭhienu Iharaviču.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT12
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary