Mižnarodnaja pravaabarončaja arhanizacyja Amnesty International apublikavała vytrymki z daśledavańnia pra žorstkaje abychodžańnie ź mihrantami na biełaruska-polskaj miažy. Parušeńni tyčacca jak biełaruskich siłavikoŭ, tak i polskich.
Amnesty International apytała ahułam 75 čałaviek, jakich zavabili ŭ Biełaruś u pieryjad ź lipienia pa listapad 2021 hoda z-za iłžyvaha abiacańnia bieśpieraškodnaha pierasiačeńnia miažy ŭ ES. Paśla jany sutyknulisia z supracivam z boku krain ES, uklučajučy Polšču. Siarod apytanych byli 66 hramadzian Iraka, siem siryjcaŭ, jakija pryjechali ź Jehipta, Livana i Siryi, adzin livaniec i adzin sudaniec. Pakolki niekatoryja z apytanych padarožničali ź siemjami i siabrami, ahułam raskazana pra 192 paciarpiełych.
'Usie apytanyja Amnesty International mihranty śćviardžajuć, što da miažy z Polščaj ich uvieś čas supravadžali biełaruskija siłaviki, a paśla prymušali jaje nielehalna pierachodzić. «Było kala dziesiaci [biełaruskich] vajskoŭcaŭ i ź imi byli čatyry sabaki, — cytujecca adno sa śviedčańniaŭ. — Jany skazali, što adpuściać sabak, kali my nie budziem chutka biehčy… Vajskoŭcy ruchalisia za nami, źbivajučy dubinkami ŭsich, chto nie išoŭ dosyć chutka».
U dakładzie jość śviedčańni, što mihranty, jakija sprabavali viarnucca z pamiežnaj zony nazad, sutykalisia z vymahalnictvam chabaru z boku biełaruskich siłavikoŭ, u ich mahli zabrać telefony i hrošy.
U Amnesty International adznačajuć, što Polšča, viedajučy pra žorstkaje abychodžańnie ź mihrantami ŭ Biełarusi, usio ž adpraŭlała nazad zatrymanych za niezakonny pierachod miažy.
U toj ža čas u dakładzie niama navat zhadak pra «zabojstvy» na polskim baku miažy mihrantaŭ, pra što zajaŭlaje biełaruskaja prapahanda, u tym liku i sa spasyłkaj na polskaha deziercira.
-
U Minsku z-za paškodžańnia kantaktnaj sietki parušyłasia praca maršrutaŭ niekatorych tralejbusaŭ
-
Byłyja palitźniavolenyja abjadnalisia dziela ŭzajemnaj padtrymki ŭ arhanizacyju «Pobač»
-
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1313
Kamientary