«Ułady Rasii robiać usio dla abarony intaresaŭ hramadzian krainy za miažoj», — Piaskoŭ pra abvinavačanych u Biełarusi
Sudovy i inšy pieraśled luboha rasijskaha hramadzianina za miažoj vyklikaje zaniepakojenaść Kramla, zajaviŭ u aŭtorak žurnalistam pres-sakratar prezidenta RF Dźmitryj Piaskoŭ, piša TASS.
«Sudovy i inšy pieraśled luboha rasijskaha hramadzianina za miažoj — heta pytańnie, jakoje vyklikaje našu zaniepakojenaść. Losam luboha rasijskaha hramadzianina, jaki pieraśledujecca za miažoj, zajmajecca rasijski bok praz našy zamiežnyja pradstaŭnictvy», — skazaŭ Piaskoŭ, kamientujučy pytańnie ab tym, što ŭ Biełarusi niekalki hramadzian Rasii apynulisia pad śledstvam i sudom.
«Usio, što možna, robicca dla abarony intaresaŭ našych hramadzian», — dadaŭ pradstaŭnik Kramla. Jon adznačyŭ, što rasijski bok znachodzicca ŭ pastajannym dyjałohu ź Biełaruśsiu, i hety dyjałoh «nosić rehularny, pracoŭny charaktar».
Jak stała viadoma napiaredadni, rasijanku Safiju Sapiehu abvinavačvajuć pa siami artykułach Kryminalnaha kodeksa.
Dźmitryj Papoŭ byŭ asudžany na 14 hadoŭ pa spravie Cichanoŭskaha.
Ciapier idzie sud nad Jahoram Dudnikavym. Jamu pahražaje da 12 hadoŭ źniavoleńnia.
Kamientary