Arcybiskup Stanieŭski dazvoliŭ katolikam jeści miasa na Novy hod i pravasłaŭnaje Rastvo
Arcybiskup Juzaf Stanieŭski vyzvaliŭ viernikaŭ Minska-Mahiloŭskaj archidyjacezii ad abaviazku ŭstrymańnia ad miasnych stravaŭ u piatnicu na Novy hod i na pravasłaŭnaje Rastvo.
Reč u tym, što katolikam zabaroniena jeści miasnyja stravy ŭ piatnicu ciaham usiaho hoda, a 31 śniežnia prypadaje na piatnicu, pravasłaŭnaje Rastvo pa julijanskim kalendary taksama budzie ŭ piatnicu. A časam u siemjach muž trymajecca katalickaha abradu, žonka — pravasłaŭnaja (i naadvarot). Abo ludzi śviatkujuć i toje, i toje Rastvo.
«Na padstavie kanona 87, § 1 Kodeksu kananičnaha prava,
Mitrapalit Minska-Mahiloŭski arcybiskup Juzaf Stanieŭski dla duchoŭnaj karyści viernikaŭ u suviazi sa śviatkavańniem Božaha Naradžeńnia ŭ Pravasłaŭnaj Carkvie udzialiŭ dyśpiensacyju [vyzvaleńnie ad abaviazku] na dzień 7 studzienia 2022 hoda ad abaviazku ŭstrymańnia ad spažyvańnia miasnych stravaŭ dla asob, starejšych za 14 hadoŭ. Vierniki, jakija buduć karystacca dyśpiensacyjaj, pavinny pamalicca za Śviatoha Ajca», — havorycca ŭ pastanovie.
Taksama arcybiskup Stanieŭski padćvierdziŭ dziejańnie dyśpiensacyi na piatnicu 31 śniežnia 2021 hoda.
Ciapier u katolikaŭ post, jaki budzie doŭžycca da 24 śniežnia.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary