«Dušyli pakietam, zrezali skuru na piatach». Adzin z asudžanych pa «spravie anarchistaŭ-partyzanaŭ» raskazaŭ pra katavańni ŭ turmie
Siastry palitviaźnia Dźmitryja Duboŭskaha Julii ŭdałosia atrymać spatkańnie z bratam. Jon raskazaŭ pra katavańni, jakija ŭžyvali ŭ dačynieńni da anarchistaŭ, asudžanych 22 śniežnia na terminy ad 18 da 20 hadoŭ turmy, i pra toje, što adbyvałasia ŭ pieršyja dni paśla ich zatrymańnia.
Ad pačutaha Julija znachodzicca ŭ šoku i nie ŭsio, što raskazaŭ brat, zmahła zapomnić, ale paviedamiła asnoŭnaje adnamu z telehram-kanałaŭ.
Spačatku jany z bratam abmiarkoŭvali roznyja pytańni, jana pieradavała jamu pryvitańni, a potym Dźmitryj raskazaŭ siastry pra ich zatrymańnie i katavańni u turmie.
«U mianie ŭ vušach hučyć, što majho brata dušyli, nadziavajučy na hałavu pakiet, jon nieadnarazova stračvaŭ prytomnaść… Jon sprabavaŭ apisać, jak sa źviazanymi za śpinaj rukami jaho niby adryvali ad ziamli. Jon navat sprabavaŭ pryhadać, jak nazyvajecca hetaje katavańnie… Skazaŭ, što ruki ŭsie byli apuchłyja i ŭ kryvi ad ściažak… Niekalki dzion u SIZA KDB nie moh ruchacca praz paškodžanyja rebry…
Skazaŭ, što Iharu zrezali skuru na piatach… Pačaŭ raskazvać pra Siarhieja, što jamu daviałosia parezać sabie ruku… Ja jaho spyniła. Rašeńnie pačać davać pakazańni i supracoŭničać sa śledstvam pryniaŭ Dzima. Jon skazaŭ, što jamu stała škada chłopcaŭ i treba było niejak spynić hetyja katavańni», — kaža Julija i dadaje, što Ihar Alinievič, pavodle brata, padtrymaŭ jaho ŭ hetym rašeńni.
Julija ŭdakładniła, što pamiataje ŭsio skazanaje «nibyta ŭryŭkami» i moža być niedakładnaj ŭ niejkich detalach: «Ci rabili heta z našymi chłopcami amapaŭcy, ci pamiežniki… Brat kazaŭ, ale ja nie pamiataju… Ci katavali ich razam, ci ŭ asobnych pakojach».
Dźmitryj Duboŭski skazaŭ siastry, što Siarhiej Ramanaŭ padaŭ zajavu ŭ Viarchoŭny sud ab katavańniach, i kali byŭ na niekatorych pasiedžańniach u sudzie, chacieŭ ubačyć i zapomnić tych, chto ich katavaŭ, ale na sud źjaviŭsia tolki adzin ź ich.
«Sa słovaŭ brata, jon prosta trośsia tam. Siarhiej i Dzima jaho paznali. Dzima z samaha pačatku chacieŭ zajavić ab katavańniach, ale advakat skazaŭ, što raskažaš na sudzie. Ale sud zrabili zakrytym, i my nie viedajem usich padrabiaznaściaŭ. Ale ž usio heta ahučvałasia ŭ sudzie, zapisvałasia i, vielmi spadziajusia, usio zachavajecca», — kaža Iryna.
Što da abvinavačvańnia ŭ akcie teraryzmu, Dźmitryj Duboŭski skazaŭ siastry, što tam «ŭsio vielmi naciahnuta», a siužet pra zatrymańnie Kamitetam dziaržbiaśpieki «niebiaśpiečnych terarystaŭ», jaki krucili pa dziaržaŭnym telebačańni, «heta ŭsio hłupstva». Pavodle Dźmitryja, ich zatrymali vypadkova pamiežniki, i kab nie heta, «KDB nikoli nie daviedaŭsia b i nijakaj śpiecaperacyi nie było».
Praz hod paśla zatrymańnia ŭ Minsku pačynajuć sudzić anarchistaŭ, jakich KDB unios u śpis terarystaŭ. Praces zakryli
Ad 18 da 20 hadoŭ. Abvieščanyja prysudy pa spravie anarchistaŭ
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary