Stała viadoma, dzie i kali adbudziecca raźvitańnie z Adamam Maldzisam
Raźvitańnie z Adamam Maldzisam projdzie ŭ sieradu, 5 studzienia, u Čyrvonym kaściole ŭ Minsku. Adpiavańnie pačniecca ŭ 11 hadzin.
Adam Maldzis — patryjarch biełaruskaj humanitarystyki. Ën byŭ vydatnym znaŭcam litaratury XIX stahodździa i žyvym mostam miž Biełaruśsiu i biełarusaznaŭcami ŭsiaho śvietu.
Maldzis byŭ blizkim siabram Uładzimira Karatkieviča i pakinuŭ pra jaho ciopłyja ŭspaminy. Kniha «Žyćcie i ŭźniasieńnie Uładzimira Karatkieviča» (1990) zusim nie sastareła.
Inšy jaho intelektualny biestseler — «Biełaruś u lusterku miemuarnaj litaratury XVIII stahodździa: narysy bytu i zvyčajaŭ».
Maldzis naradziŭsia na Astravieččynie i ŭsim sercam lubiŭ hety kraj.
Našaniŭcy pamiatajuć, jak užo 84-hadovym jon pryjšoŭ u redakcyju, kab asabista prynieści list pratestu suprać zrazańnia duboŭ u Astraŭcy.
Adam Maldzis: «Ja admoŭlusia ad zvańnia hanarovaha hramadzianina Astraŭca, kali duby zrežuć!»
Žonka spadara Maldzisa i jahony syn Aleh pamierli raniej za jaho.
Biełaruskuju spravu baćki praciahvaje jaho syn Jarasłaŭ.
Kamientary