Pradstaŭniki ŭładaŭ Burkina-Faso paviedamili pra miaciež vajskoŭcaŭ, jakija zapatrabavali ad palitykaŭ padtrymać ich u baraćbie z radykalnymi isłamistami i adpravić u adstaŭku kiraŭnikoŭ armii i raźviedki, pieradaje ahienctva Reuters.
Z ranicy ŭ niadzielu ŭ krainie błakavaŭsia dostup da internetu, pieradaje servis manitorynhu błakirovak NetBlocks. Paviedamlałasia, što prezident aryštavany, a ŭrad straciŭ kantrol nad situacyjaj, ale ŭłady hetuju infarmacyju admaŭlajuć.
Chvalavańni ŭ hetaj krainie adbyvajucca na fonie rehularnych niaŭdač uładaŭ u baraćbie z uzbrojenymi džychadystami. U krainie rehularna ŭčyniajucca masavyja zabojstvy. Za apošnija šeść hadoŭ u vyniku napadzieńniaŭ isłamistaŭ zahinuli tysiačy žycharoŭ krainy, nie mienš čym miljonu pryjšłosia pakinuć svaje damy. Pravaabarončyja hrupy paviedamlajuć ab masavym hvałcie i z boku vajskoŭcaŭ.
Burkina-Faso — kraina na zachadzie Afryki, byłaja francuzskaja kałonija pad nazvaj Vierchniaja Volta. Viadomy pabłažlivy vyraz «Vierchniaja Volta z rakietami» — heta ad jaje, bo da 1984 hoda tak zvałasia i niezaležnaja dziaržava. A Burkina-Faso — heta kambinacyja słoŭ adrazu ź dźviuch miascovych movaŭ, u pierakładzie aznačaje «radzima sumlennych ludziej».
Musulmanie składajuć tut bolšaść nasielnictva, kala 60%, ale jość šmat ludziej i inšych vieravyznańniaŭ. Da 2014 hoda Burkina-Faso kiravaŭ Błez Kampaare, adzin z najbolš zasiadziełych prezidentaŭ pry ŭładzie (z 1987 hoda). Ale 8 hadoŭ tamu jaho ad ułady adchilili padčas vajskovaha pieravarotu.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary